«Айдарыылаах оҕолор баалларыгар» кыайыылаахтар ааттаннылар

      Дьокуускайга хайыы-үйэҕэ үһүс төгүлүн ыытыллар “Айдарыылаах оҕолор бааллара” өрөспүүбүлүкэ араас муннуктарыттан 250-ча талааннаах оҕону түмтэ. Бу, тохсунньу 14 күнүгэр  Саха тыйаатырыгар ыытыллыбыт култуура уонна искусство кэрэ бырааһынньыгар 12 номинацияҕа саамай чаҕылхайдар быһаарылыннылар!

 

                                                                                                    Лауреаттар Култуура миниистирэ В.И.Тихоновы кытта   

      Бу – бука бары искусство кэрэ абылаҥар ылларбыт үөрэнээччилэр, устудьуоннар – Музыкальнай уонна Оҕо искусствотын оскуолаларыгар (ДШИ), Саха сиринээҕи култуура уонна искусство үөрэҕин кыһаларыгар муусуканан, үҥкүүнэн, ырыанан, уруһуйунан үлүһүйэн дьарыктанар ыччаттар – араас куонкурустар, фестиваллар кыайыылаахтара.  Бүгүн кинилэр бальнай үҥкүүлэри хайдах курдук өрө көтөҕүллэн толоро сылдьалларын көрөн, тэбис-тэҥҥэ преподавателлэрэ уонна төрөппүттэрэ, эбээлэрэ уонна эһээлэрэ эмиэ долгуйаллар.

  Мэҥэ-Хаҥалас улууһун Табаҕатааҕы ДШИ талааннаах үөрэнээччилэрэ

      Оттон кыайыылаахтарга номинациялары туттара,  СӨ култууратын уонна духуобунай сайдыытын миниистирэ Владимир Тихонов, СӨ норуодунай артыыһа, Муусука уонна фольклор мусуойун дириэктэрэ Аиза Решетникова, СӨ норуодунай артыыһа, Үүнэр көлүөнэ тыйаатырын дириэктэрэ Алексей Павлов, СӨ норуодунай худуоһунньуга, норуот маастара Анна Зверева, П.П.Романов аатынан Дьокуускайдааҕы Художественнай колледж дириэктэрэ Кирилл Гаврильев, Суорун Омоллоон аатынан Опера уонна балет тыйаатырын дириэктэрэ Сергей Сюльскэй, А.Е.Кулаковскай аатынан Норуоттар доҕордоһууларын дьиэтин генеральнай дириэктэрэ Яна Игнатьева,  Олоҥхо тыйаатырын дириэктэрэ Виталий Власов,  о.д.а. өрөспүүбүлүкэ култууратын, искусствотын биллиилээх деятеллэрэ кэлбиттэр.

Култуура, искусство үөрэҕин кыһаларыгар уһуйуллар үөрэнээччилэрбит, устудьуоннарбыт, эһиги араас куонкурустарга кыайыыларгыт-хотууларгыт   үксээн иһэр. Кэнники сылларга ордук, норуоттар икки ардыларынааҕы, аан дойдутааҕы таһымнарга ситиһиилэниигит биһигини үөрдэр. Култуура уонна духуобунай сайдыы министиэристибэтэ үөрэх кыһаларын материальнай баазаларын тупсарыыга, сайыннарыыга  ситимнээх үлэни ыытар. Үүммүт 2018 сылга ситиһиибит өссө үрдүөҕэр эрэнэбит , — диэтэ миниистир Владимир Тихонов эҕэрдэ тылыгар.

Оттон норуодунай артыыс Аиза Решетникова:

Хайдахтаах курдук үчүгэй остуоруйаны көрдүбүт ? ! Үүнэр көлүөнэ тыйаатыра улуу Пушкин суруйуутугар “Балыксыт уонна балык туһунан остуоруйаны” олус да сонуннук, олус да саҥалыы туруорбут! Олоххо эмиэ итинник – туох даҕаны халлаантан түспэт, барытын бэйэҥ дьулуургунан, дьүккүөрдээх үлэҕинэн ситиһэҕин, —  диэн бэлиэтээтэ.

Ити курдук, ким сылы быһа айымньылаахтык, таһаарыылаахтык үлэлээбит, дьүккүөрдээхтик  сыалын-соругун толорууга туруммут уонна үгүһү ситиспит бүгүн номинант уонна номинация кыайыылаахтарынан буоллулар. Финалга тахсыбыт үөрэнээччилэргэ, устудьуоннарга дипломнар, сертификаттар, кыайыылаахтарга кубоктар, сыаналаах бириистэр туттарылыннылар.

Кыайыылаахтар:

“Музыкальнай искусство” хайысхаҕа Оҕо искусствотын оскуолатын бастыҥ үөрэнээччитэ” номинацияҕа –  Вероника Малинина , Мирнэйдээҕи ДШИ.

“Ойуулуур-дьүһүннүүр искусство” хайысхаҕа бастыҥ үөрэнээччи” –  Анатолий Еремисов , Үөһээ Бүлүүтээҕи ДШИ, Үөһээ Бүлүү улууһа.

“Хореографическай искусство” хайысхаҕа бастыҥ үөрэнээччи” —   Евдокия Сивцева , Бороҕоннооҕу ДШИ, Уус Алдан улууһа.

“Вокальнай искусство” хайысхаҕа бастыҥ үөрэнээччи –  Карина Наумова,   Хатастааҕы ДШИ, Дьокуускай к.

“Фольклор” хайысхаҕа бастыҥ үөрэнээччи –  Ксения Соловьева , Белай Горатааҕы ДШИ, Абый улууһа.

“Театральнай искусство” хайысхаҕа бастыҥ кэлэктиип –  Хампатааҕы ДШИ . Хампатааҕы образцовай оҕо театральнай кэлэктиибэ, Бүлүү улууһа.

“Декоративнай-прикладной искусство” хайысхаҕа бастыҥ үөрэнээччи –  Светлана Андреева , Сунтаардааҕы ДШИ,Сунтаар улууһа.

“Музыкальнай искусство” хайысхаҕа бастыҥ устудьуон –  Егор Макеев,   В. А.Босиков аатынан Музыка үрдүкү оскуолата.

“Ойуулуур-дьүһүннүүр искусство” хайысхаҕа бастыҥ устудьуон –  Светлана Семенова , П.П.Романов аатынан Дьокуускайдааҕы художественнай колледж.

“Вокальнай искусство” хайысхаҕа бастыҥ устудьуон –  Юлия Караченцева,  В. А.Босиков аатынан Музыка үрдүкү оскуолата.

“Хореографическай искусство”   хайысхаҕа бастыҥ устудьуон –  Николай Выломов,   А., Н. Посельскаялар ааттарынан Дьокуускайдааҕы балет оскуолата.

“Култуура уонна искусство оҕолорго” номинацияҕа –  Дьокуускайдааҕы кадетскай интэринээт-оскуола.

«Магия Севера» ансаамбыл оҕолоро

Кыттааччы санаата

Сааскылаана ВАСИЛЬЕВА, Дьокуускай к. 2N -дээх ДШИ  фортепианоҕа 6-с  кылааһын үөрэнээччитэ, 13 саастаах, зональнай, куораттааҕы уонна норуоттар икки ардыларынааҕы куонкурустар лауреаттара:

Мин преподавателим Анна Витальевна Зайцева. Олус үчүгэйдик үөрэтэр. Ол иһин, миигин батыһан, балтым уонна быраатым эмиэ Анна Витальевнаҕа үөрэнэ кэлбиттэрэ. Бэйэм саха-корейскай оскуола 7-с кылааһыгар “хорошисткабын”. Ааспыт сылга Сербияҕа норуоттар икки ардыларынааҕы куонкуруска лауреат итиэннэ сэтинньигэ Москваҕа “Глиэровская осень” куонкуруска II миэстэ буолбутум. Музыканы сэргэ уруһуйдуурбун сөбүлүүбүн. Ахсынньыга “Новогодняя выдумка” диэн норуоттар икки ардыларынааҕы куонкуруска эмиэ 2-с миэстэни ылбытым. Музыкаҕа миигин эбээм аҕалбыта, киниэхэ олус махтанабын. Бакаа туох идэни талыахпын быһаарына иликпин эрээри, музыка уонна уруһуй мин олоҕум аргыһа буолаллара чахчы. Айар үлэнэн куруутун дьарыктаныам.

Саргылаана Васильевна ГОГОЛЕВА, Сааскылаана эбээтэ, СӨ култууратын туйгуна:

—Маннык баалы айар дьоҕурдаах оҕолорго тэрийэллэриттэн, биһиги, төрөппүттэр, эбээлэр-эһээлэр олус үөрэбит. Үгүстэргэ бу – аан бастакы бааллара, онон, оҕолорбутун кытта тэбис-тэҥҥэ долгуйабыт… Айар оҕоҕо болҕомто олус наада, кинилэр маннык тэрээһиннэртэн саҥа идиэйэлэри, саҥалыы эрчими ылыналлар, саҥа, өссө үрдүк сыаллары-соруктары туруоруналлар. Онон, тэрийээччилэргэ улахан махтал!

 

    Татьяна МАРКОВА, «Саха сирэ» хаһыат, edersaas.ru                                               

 

 
По теме
Сегодня, 19 ноября руководитель Администрации Главы Республики Саха (Якутия) и Правительства Республики Саха (Якутия) Федор Борисов представил коллективу Министерства ЖКХ и энергетики РС (Я) и руководителям предприятий к
19.11.2018
Вячеслав Емельянов представлен коллективу Министерства ЖКХ и энергетики РС (Я) - ИА SakhaLife.Ru Сегодня, 19 ноября руководитель Администрации Главы Республики Саха (Якутия) и Правительства Республики Саха (Якутия) Федор Борисов представил коллективу Министерства ЖКХ и энергетики РС (Я) и руководителям предприятий к
19.11.2018
Картина режиссёра Эдуарда Новикова попала в рекомендательный список экспертного совета национальной академии кинематографических наук России.
19.11.2018
 
Сегодня, 19 ноября руководитель Администрации Главы Республики Саха (Якутия) и Правительства Республики Саха (Якутия) Федор Борисов представил коллективу Министерства ЖКХ и энергетики РС (Я) и руководителям предприятий к
19.11.2018
 
Странное поведение жителей Якутска в ночном лесу - ИА SakhaLife.Ru Находясь на маршруте патрулирования в ночное время сотрудники группы задержания Росгвардии Якутского ОВО возле лесного массива обратили внимание на странное поведение двух мужчин.
19.11.2018 ИА SakhaLife.Ru
В Якутии престанет перед судом уроженец Аллаиховского района,  обвиняемый в совершении убийства, покушения на убийство  и незаконном хранении оружия - Следственный комитет Заполярным МСО СУ СК России по Республики Саха (Якутия) завершено расследование уголовного дела в отношении уроженца Аллаиховского района, обвиняемого в совершении преступлений, предусмотренных ч. 3 ст.30 - п. "а" ч.2 ст.105,
19.11.2018 Следственный комитет
Очередной успех якутского кино! - ИА SakhaLife.Ru Один из крупнейших в Европе фестивалей российского кино «Спутник над Польшей» завершился в воскресенье в польской столице.
19.11.2018 ИА SakhaLife.Ru
Степан Лыткин: бег ради жизни - ИА SakhaLife.Ru Каждый якут начинает с борьбы Степан Федорович, как и все дети послевоенного поколения, с физическим трудом, физкультурой и спортом знаком  со школьной скамьи и дружит с ними до сих пор.
19.11.2018 ИА SakhaLife.Ru
Сегодня, 19 ноября руководитель Администрации Главы Республики Саха (Якутия) и Правительства Республики Саха (Якутия) Федор Борисов представил коллективу Министерства ЖКХ и энергетики РС (Я) и руководителям предприятий к
19.11.2018 Министерство ЖКХ и энергетики РС(Я)
20 ноября 1959 года Генеральная Ассамблея ООН приняла один из важнейших документов – «Декларацию прав ребенка», в котором были сформулированы десять принципов, определяющих действия всех,
19.11.2018 Министерство образования РС(Я)