Антоновка5а «Куйуур олоҥхото»

Ньурба   улууhугар муус устар 5 күнүгэр Октябрьскай нэһилиэк ытык олохтооҕо Николай Семенович Григорьев-Кылах сырдык аатынан «Куйуур олоҥхото» төрүт өбүгэ үгэстэрин үйэтитэр оройуоннай күрэх буолан ааста. Бырайыак автора - Ньурба оройуонун култуураҕа салалтатын специалиһа, өрөспүүбүлүкэ култууратын туйгуна, култуура ветерана Федотова Наталья Трофимовна.

Бу күрэх Ньурбаҕа 8-c төгүлүн ыытыллар. Быйылгы “Куйуур олоҥхото” бырайыагы Октябрьскай нэһилиэк аҕа баһылыга Семен Корякин өйөөн, тэрийсэн бу сырыыга баай историялаах, кэрэ айылҕалаах, күннэтэ үүнэ-сайда турар Октябрьскай нэһилиэккэ саҥалыы тыын ылан ыытылынна. Ньурбатааҕы экологическай надзор кэмитиэтин улэhитэ Иванов А.А. жюри быhыытынан үлэлээн, Октябрьскай нэһилиэк дьаһалтата, “Түһүлгэ” норуот айымньытын дьиэтин уонна култуура Департаменын үлэһиттэрэ сыраларын ууран биир ситимнээхтик үлэлээтилэр.

Көннөрү куйуур күрэҕиттэн бу күрэх уратыта диэн саха былыргы бултуур үгэһин - куйууру сөргүтүү таһынан, саха фольклорун муҥутуур чыпчаала олоҥхону сэҥээрэр, толорорго холонор ыччаты иитэн-үөрэтэн киэҥ эйгэҕэ таһаарыы буолар.

"Куйуур олоҥхото” күрэх аһыллыыта “Түһүлгэ”   норуот айымньытын дьиэтигэр буолла.  Ол кэннэ куйуурдьуттар эбэҕэ туруннулар. Куйуур күрэҕэр нэһилиэктэртэн 6 хамаанда кыттыыны ылла. Куйуурдьуттар 6 түһүмэххэ күөн көрүстүлэр: тоҥуу хаар устун сүүрүү, түөрэй быраҕыыта, куйуурунан балыгы хабыы уонна бэриллибит бириэмэҕэ куйуур ойбонун тэһии. Ону сэргэ, “Түһүлгэ” норуот айымньытын дьиэтигэр оҕолорго олоҥхону толоруу күрэҕэ ыытылынна. Күрэххэ барыта 42 олоҥхону толорооччу 4 бөлөх кыттыыны ыллылар.

Ол кун “Түһүлгэ” НАДьт айымньытын дьиэтигэр үөрүүлээх быһыыга-майгыга “Куйуур олоҥхото”   курэх кыайылаахтарын аата үрдүк сыанаттан ааттанна.

  Куйуурга 1миэстэни Өҥөлдьө “Хоһууттар” хамаандата, 2 миэстэни Антоновка оскуолатын хамаандата, 3 миэстэни Малдьаҕар нэһилиэгин “Дохсун” хамаандата аатаннылар. Сүрүн бириистэри Николай Семенович Григорьев-Кылах оҕолоро, сиэннэрэ туруордулар. Ону таһынан анал ааттарга спонсордартан сертификаттар, бэлэхтэр туттарылыннылар.

  Олонхону биирдиилээн толорууга I миэстэни Василина Иванова(Араҥастаах оскуолата), II миэстэни Василий Егоров (Антоновка оскуолата) III миэстэни Ньургун Анисимов (Араҥастаах оскуолата) ыллылар.      

Бөлөҕүнэн толорууга I миэстэни “Арыллыы” бөлөх (Араҥастаах), II миэстэни “Кулан уоланнар” орто бөлөҕө, III миэстэни “Кулан уоланнар” улахан бөлөҕө ыллылар.

Кыайыылаахтар, анал аат хаьаайыттара спонсордартан сертификаттары, өйдөбүнньүк бириистэри тутан үөрдүлэр-көттүлэр.

 

Ньурбатаа5ы государственнай экологическай надзор кэмитиэтэ

 
По теме
Айсен Николаев принял участие во всероссийском совещании по подготовке к пожароопасному сезону - Глава Республики Глава Якутии Айсен Николаев принял участие в  режиме видеоконференцсвязи во всероссийском совещании по подготовке к пожароопасному сезону под председательством вице-премьера РФ Виктории Абрамченко.
Глава Республики
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)