Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна

Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Сахалартан бастакы консулга Александр Мигалкиҥҥа өйдөбүнньүк бэлиэ Бороҕоҥҥо арылынна
Фото: iltumen.ru
Бэс ыйын 20 күнүгэр Саха Өрөспүүбүлүкэтин уонна Россия Федерациятын судаарыстыбаннай уонна уопсастабыннай деятелэ, дипломат, сахалартан бастакы Россия Федерациятын Генеральнай консула, Саха Өрөспүүбүлүкэтин норуотун хаһаайыстыбатын үтүөлээх үлэһитэ, философскай наука кандидата, Уус Алдан улууһун бочуоттаах олохтооҕо Александр Васильевич Мигалкин төрөөбүтэ 60 сылын туолла. Бу бэлиэ түгэни көрсө кини аатын үйэтитэр соруктаах Саха Өрөспүүбүлүкэтин Ил Түмэнин Бэрэссэдээтэлэ Александр Жирков 2017 сыл ахсынньы 28 күнүгэр 151 №-дээх дьаһал таһаарбыта. Ол онно сөп түбэһиннэрэн, бу сыл устата бэлиэ тэрээһиннэр ыытыллаллар.   Александр Мигалкин төрөөбүт күнүгэр Уус Алдан улууһун Бороҕонугар кини олорбут дьиэтин аадырыһыгар -- Ленин уулуссатын 34 №-гэр мемориальнай дуоска арылынна. Александр Васильевич төрөөбүт-үөскээбит, оҕо сааһа ааспыт, үлэһит быһыытынан үүнэн-сайдан тахсыбыт тапталлаах Мүрүтүн туонатыгар ыраахтан-чугастан кини бииргэ үлэлээбит, алтыспыт доҕотторо, чугас дьоно, үөрэнээччилэрэ, биир дойдулаахтара муһуннулар. Тэрээһиҥҥэ Саха Өрөспүүбүлүкэтин Ил Түмэнин Бэрэссэдээтэлэ Александр Жирков , Уус Алдан улууһун баһылыгын бастакы солбуйааччы Петр Попов , Саха Өрөспүүбүлүкэтин тас сибээскэ уонна норуоттар дьыалаларыгар миниистирин бастакы солбуйааччы э.т. Владимир Васильев , Россия Федерациятын тас дьыалаларга министиэристибэтин Саха сиригэр бэрэстэбиитэлэ Николай Дьяконов , Саха Өрөспүүбүлүкэтин Киин быыбардыыр хамыыһыйатын бэрэссэдээтэлин солбуйааччы Александр Власов ,   Саха Өрөспүүбүлүкэтин Национальнай библиотекатын кинигэ өйдөбүнньүктэригэр научнай-чинчийэр киинин үлэһитэ Анастасия Божедонова , Саха Өрөспүүбүлкэтин Ааҕар-суоттуур палаататын бэрэссэдээтэлэ Егор Марков , Александр Мигалкин кэргэнэ Надежда Мигалкина , төрөппүт уола, Саха Өрөспүүбүлүкэтин үөрэххэ уонна наукаҕа миниистирин солбуйааччы Василий Мигалкин уонна кини дьиэ кэргэнэ, Александр Мигалкин бииргэ төрөөбүттэрэ Иван, Афанасий, Зоя, Мария Мигалкиннар.   Александр Мигалкин Саха Өрөспүүбүлүкэтигэр уонна Россия Федерациятыгар тас сибээс бөҕөргүүрүгэр сүҥкэн кылаатын киллэрбитэ. Арассыыйа Бэрэсэдьиэнигэр Саха Өрөспүүбүлүкэтин тас дойдуларга уонна экономикаҕа сыһыаннаһыыларын бэрэстэбиитэлинэн, Аляскаҕа Анкоридж куоракка Хотугу Форум секретариатыгар Саха Өрөспүүбүлүкэтин бэрэстэбиитэлинэн, Саха Өрөспүүбүлүкэтин тас сыһыаннаһыыларга миниистиринэн, Монголияҕа Эрдэнэт куоракка Россия Генеральнай консулунан үлэлээбитэ. Кини 2012 cыл ахсынньы 1 күнүгэр ыарахан ыарыыттан олохтон туораабыта.   Өйдөбүнньүк бэлиэ аһыллыытыгар   мустубут дьон тапталлаах Сахатын сирин, киэҥ Россияны сирэйдээн аан дойду таһымыгар тиийэ тахсыылаахтык үлэлээбит, үтүө олоҕу олорон ааспыт биир дойдулаахтарын сырдык аатыгар сүгүрүйэн, биир мүнүүтэ сөҥүөрэн турда.   Бэлиэ түгэнинэн Саха Өрөспүүбүлүкэтин Ил Түмэнин Бэрэссэдээтэлэ Александр Жирков тыл этэригэр кини Александр Васильевич Мигалкинныын биир көлүөнэ дьон буолалларын санатта.   «Биһиги көлүөнэ дьон, дьиҥэр, билигин даҕаны үлэ үгэнигэр, олох үөһүгэр сылдьабыт. Ол эрээри биһиги ортобутуттан доҕотторбут орто дойдуттан эрдэ барыылара улам элбээн иһэр. Кинилэр олорбут олохторун, үлэлээбит үлэлэрин, тылларын-өстөрүн кимнээҕор ордук үчүгэйдик билэбит, өйдүүбүт. Ол иһин биһиги, билигин баар дьон, эт саастыылаахтарбытыттан бастыҥнарын-чулууларын ааттарын ааттатарга, кинилэри үйэтитэргэ кыһаллыах, болҕомтобутун   ууруох тустаахпыт», -- диэн бэлиэтээтэ.   Ол биир туоһутунан бүгүнҥү күҥҥэ бэлиэ түгэн буоларын, бу тэрээһиннэр салгыы сыл устата барыахтарын, Александр Васильевич Мигалкин аатыгар өйдөбүл мэҥэ таас туруоруллуоҕун, аны күһүн Дьокуускайга уопсастыбаннас кыттыылаах мунньах буолуоҕун, кини туһунан кинигэ суруллан тахсыаҕын Ил Түмэн спикерэ санатта.   “Александр Васильевич кылгас, чаҕылхай олоҕу олорон ааспыта. Кэнники кэмҥэ дойдутугар төннөн баран, университекка ЮНЕСКО иһинэн үлэлиир ураты хайысхалаах кафедраны тэрийбитэ. Биир дойдулаахпыт Николай Парников салайар «Сахаэнерго» тэрилтэҕэ сүбэһитинэн уонна олоҕун бүтэһик күннэригэр диэри Ил Түмэн Бэрэссэдээтэлин солбуйааччы сүбэһитин быһыытынан бииргэ үлэлээбиппит. Кини туһунан сырдык өйдөбүл бука барыбытыгар өрүү тыыннаах буолуоҕа. Билигин Бырабыыталыстыба тутулугар уларыйыылар таҕыстылар. Александр Васильевич Мигалкин салайбыт министиэристибэтэ департамент буолан уларыйа сылдьан баран,  өрөспүүбүлүкэ баһылыгын эбээһинэһин толорооччу Айсен Николаев дьаһалынан төттөрү министиэристибэ аатын төнүннэрдэ. Онон Александр Васильевич Мигалкин үлэлээбит тэрилтэтэ билигин чөлүгэр түһэн, кинини кытта бииргэ үлэлээбит коллектив үлэлии хаалар кыахтанна», -- диэн эттэ.   Уус Алдан улууһун баһылыгын бастакы солбуйааччы Петр Попов А.В.Мигалкин төрөөбүтэ 60 сылынан аналлаах тэрээһиннэр өрөспүүбүлүкэ уонна улуус былаанынан баралларын санатта. Быйыл улууска аан бастаан Александр Мигалкин үөрэммит, омук тылын учууталынан үлэтин саҕалаабыт Мүрү 1 №-дээх оскуолатын базатыгар “Эдэр дипломат” диэн куонкурус ыытылыбытын, салгыы үгэскэ кубулуйуоҕун эттэ. Бу күһүн Бороҕоҥҥо “Уолан” гимназия үөрэнэр куорпуһун иннигэр А.В. Мигалкиҥҥа паамытынньык туруохтааҕын иһитиннэрдэ. «Александр Васильевич олорбут олоҕо биир дойдулаахтарыгар киэн туттуубут буоларынан, үөрэтиллэн, үйэтитиллэн, эдэр көлүөнэ кини аатын үрдүктүк тутуохтаах, ытыктыахтаах, үлэтин сыаналыахтаах», -- диэтэ улуус баһылыгын бастакы солбуйааччы.   Саха Өрөспүүбүлүкэтин Тас сибээскэ уонна норуоттар дьыалаларыгар миниистирин бастакы солбуйааччытын э.т. Владимир Васильев Александр Мигалкин улахан таһымнаах үлэни ыыппыт өрөспүүбүлүкэ биир киэн туттар киһитэ буоларын аҕынна. «Мин Александр Васильевичтыын 1997 сыллаахха билсэн, өр сылларга сүрдээх тэрээһиннээхтик  Хотугу форум чэрчитинэн үлэлэспиппит. Мин киниттэн аҕыйах хонугунан аҕа буолларбын да, кини бэйэтин үлэтинэн, дьоҥҥо элэккэй сыһыанынан уонна судаарыстыбаннай таһымҥа санаата киэҥинэн, көрүүтэ дириҥинэн киниттэн элбэххэ үөрэнэн, убай курдук ытыктыырым. Салайар министиэристибэтин үлэтин үрдүк таһымҥа таһаарбыта. Үтүө киһигит аатын мэлдьи  үйэтитэ туруҥ, кини холобуругар ыччаты үөрэтэргэ олук ууруоҕуҥ. Ол онно биһиги өрүү күүс-көмө буолуохпут. Александр Васильевич төрөөбүтэ 60 сыла туолаары турдаҕына, биһиги министиэристибэбит статуһа төннүбүтүгэр, боломуочуйата кэҥээбитигэр долгуйдубут. От ыйын 3 күнүгэр Монголияҕа Улан Баторга  сахалар мунньустан ыһыах ыһалларыгар, Александр Мигалкин аатын ахтыахтара-саныахтара», -- диэтэ.   Саха Өрөспүүбүлүкэтин кытары Япония бииргэ үлэлэһиигэ кэмитиэтин дириэктэрэ, Япония тас дьыалаларга миниистирин солбуйааччытын сүбэһитэ Акио Сатомура : “Мин аан бастаан Александр Васильевичтыын 2003 сыллаахха билсибитим. 2005 сыллаахха Японияҕа ЭКСПО улахан быыстапка тэрээһинин бэлэмнээн ыыппыппыт. Бу күннэргэ Японияттан икки судаарыстыбаннай миниистр салалтатынан 80-чэ киһилээх делегация кэлэр. Ити курдук Александр Васильевичтыын Японияны кытта чиҥник олохтообут сыһыаммыт күн бүгүҥҥэ диэри сабыдыаллыыр. Урут Саха сирин японецтар билбэккэ, Сахалины кытта бутуйаллара. Билигин сахалар тустарынан өйдөбүл баар. Ити барыта Александр Васильевич үлэтин түмүгэ буолар. Кини миэхэ дьиҥнээх доҕор этэ, кини суох буолбутугар сүрдээҕин санаарҕаабытым. Мин кинини билигин аттыбар баардыы өрүү саныыбын. Онон бу көрсүһүүгэ ыҥырбыккытыгар махталбын биллэрэбин», -- диэтэ.   Саха Өрөспүүбүлүкэтин Киин быыбардыыр хамыыһыйатын бэрэссэдээтэлин солбуйааччы Александр Власов Александр Мигалкинныынэдэр саастарыттан 36 сыл устата чугастык доҕордоспуттарын, комсомол райкомугар сэкиритээрдии сылдьан билсэн, онтон бииргэ Амурга комсомол оскуолатыгар үөрэммиттэрин аҕынна. «Кини эргиччи киэҥ билиилээҕэ, үрдүк таһымнааҕа эдэриттэн көстөрө. Судаарыстыбаннас историятыттан саҕалаан култуураны, искусствоны, литератураны эндэппэкэ билэрэ, бэл диэтэр, рефераты нууччалыы суруйарбар сыыһабын Александрга көннөттөрөрүм. Александр Васильевич Россия тас сибээһэ бөҕөргүүрүгэр улахан кылаатын киллэрбитэ. Онон кинини биһиги Россия судаарыстыбаннай деятелэ диир бырааптаахпыт. Аҥардас «Азия оҕолоро” аан дойдуга аата аттанарыгар кини үтүөтэ-өҥөтө улахан. Бу өйдөбүнньүк биһиги ортобутугар маннык үрдүк таһымнаах киһи олорбутун, кини дыалата салҕанарын саната туруоҕа», -- диэтэ доҕоро Александр Власов.     Саха народнай поэта, Александр Мигалкин бииргэ төрөөбүт убайа Иван Мигалкин бу курдук бэлиэтээн эттэ: « Урут манна биһиги уопсай дьиэбит баара, илинтэн кэлиигэ бастакы ааҥҥа олорбуппут. Хаһан баҕарар киһи киһи буоллаҕына, аан  бастаан ийэлээх, аҕатын ахтар-саныыр.Аҕабыт этэрэ: “Эһиги үөрэхтээх буолун. Кыаммат бэйэҕит кэлин кыанар буолуоххут ”. Ол аата кини үөрэҕи баһылааҥ диирэ. Ийэбит: “Таҥара син биир көрөр. Дьоҥҥо үтүөнү оҥорбутун үтүөнэн төлөнөр, дьону аһыныҥ, харыстааҥ, дууһаҕыт сылааһын биэриҥ», -- диэн сүбэлиирэ. Кинилэр алгыстарынан бу дьиэттэн олоххо үктэммиппит. Быраатым Александр туһунан кинигэ таһаарбытым. Аны билигин өссө биир кинигэни бэлэмнии сылдьабын.  Кэлин өссө үһүс кинигэбин суруйбут киһи диэн баҕа санаалаахпын. Александр Васильевич үбүлүөйдээх сылын дьаһалларын тэрийбит  улууһум салалтатыгар уонна ис сүрэҕиттэн ылынан, бу тэрээһиннэри сүрүннүүр, салайар Александр Николаевич Жирковка махтанабын», -- диэтэ Иван Мигалкин.   Александар Мигалкин уола, үс оҕолоох дьиэ кэргэн аҕа быһылыга, Саха Өрөспүүбүлүкэтин үөрэххэ уонна наукаҕа миниистирин солбуйааччы Василий Мигалкин бэлиэ тэрээһиҥҥэ мустубут дьоҥҥо, Ил Түмэн Бэрэссэдээтэлэ Александр Жирковка , улуус баһылыга Алексей Федотовка, аҕатын доҕотторугар, үөлээннээхтэригэр кини аатын үйэтитиигэ ыытар үлэлэрин, болҕомтолорун иһин махтанна.   Александр Мигалкиҥҥа анаммыт өйдөбүнньүк бэлиэни Ил Түмэн спикерэ Алексанр Жирков, Александр Мигалкин кэргэнэ Надежда Иннокентьевна Мигалкина , уола Васиий Мигалкин , убайа Иван Мигалкин арыйдылар.   «Доҕоруом, дабай күөх сыырдары»  диэн Александр Васильевич таптыыр ырыата ылламмытыгар мустубут дьон саха норуотун биир чулуу уолун сырдык мөссүөнүн бу баардыы ахтан-санаан ыллылар.     Ил Түмэн пресс-сулууспата  
 
По теме
Вступило в законную силу решение Арбитражного суда Республики Саха (Якутия) от 19.02.2024 по делу №А58-2863/2022 о сносе объекта самовольной постройки.
  В ходе приема с участием главы ГО «город Якутск» Григорьева Е.Н. приняты обращения граждан по вопросам реализации социальных и иных прав.
Незаконная добыча диопсида велась на протяжении 6 лет в Алданском районе - Якутия.Инфо Текст: Прокуратура Якутии Фото: pro-mineral.ru YAKUTIA.INFO. Прокуратура республики направила в суд уголовное дело о незаконном предпринимательстве с извлечением дохода в размере более 52 миллионов рублей.
Якутия.Инфо
В Якутии стали известны  10 лучших архивов республики - Правительство Республики Саха (Якутия) Муниципальные архивы  Аллаиховского, Мирнинского, Намского, Нерюнгринского, Нюрбинского, Сунтарского, Таттинского, Усть-Алданского, Чурапчинского районов и города Якутска признаны лучшими в регионе.
Правительство Республики Саха (Якутия)
Дети из Якутии прибыли в Москву для личностного и профессионального самоопределения - Постоянное представительство РС(Я) при Президенте РФ 25 марта в гостях у Постоянного представительства Республики Саха (Якутия) при Президенте Российской Федерации побывала большая делегация детей из республики,
Постоянное представительство РС(Я) при Президенте РФ
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)