Эдэр ыал ‒ Дойду эрэлэ!

Олунньу 2 күнүгэр Майаҕа «Кыталык» оҕо-ыччат эстетическэй киинигэр Хапчаҕай нэһилиэгин эдэр ыччаттара Октябрина Кулешова, Сахамила Михеева уhук-илиҥҥи «Синергия Севера» форум кыайыылаахтара «Молодежь – за семейные ценности» бырайыактарын олоххо киллэрэр  сыаллаах, улуустааҕы ыччат бэлиитикэтигэр уонна дьиэ кэргэн дьыалатыгар управление иилээн-саҕалаан тэрийиитинэн «Эдэр ыал ‒ Дойду эрэлэ» диэн өрөспүүбүлүкэҕэ бастакы пуорум ыытылынна. Пуорумҥа 9 улуустан: Орто Халыматтан, Бүлүүттэн, Эбээн-Бытантайтан, Чурапчыттан, Хаҥаластан, Сунтаартан, Амматтан, Тааттаттан уонна Мэҥэ Хаҥаластан олоххо көхтөөх 42 эдэр ыал кытынна.

Бэрт интэриэһинэй, ураты тэрээһини «Саха» НКИК суруналыыһа Олег Колесов ‒ Талбан ыытта, пуорумҥа ыалдьыттыы кэлбит эдэр ыаллары кытта аһаҕастык кэпсэттэ, сэргэх түһүлгэни тэрийдэ. Сунтаартан сылдьар Уруйдаана, Иван Семеновтар нэһилиэккэ олорор ыччат тыа хаһаайыстыбатын араас көрүҥүнэн дьарыктаныан сөптөөҕүн, перепелкалары иитэллэрин, сыыр оҥороллорун туһунан сырдаттылар. Хаҥалас улууһуттан Александра, Николай Яковлевтар эдэр ыал үлэлиирин таһынан ханнык баҕарар уопсастыбаннай олоххо көхтөөхтүк кыттыахтарын сөптөөҕүн туһунан кэпсээтилэр. Элбэх оҕолоох дьиэ кэргэҥҥэ эбии дохуот киллэриигэ, дьиэ кэргэн экэниэмикэтин сайыннарыыга туох-ханнык үлэлэри ыыталларын туһунан Бүтэйдээхтэн сылдьар Ньургуйаана, Афанасий Прокопьевтар эти эрбиир ыстаныагы үлэлэтэллэрин, туорт оҥорон атыылыылларын сырдаттылар. Эбээн-Бытантай улууһуттан Виктор Обутов хоту улууска эдэр ыаллар тугунан тыынан олороллорун, Дойду бөһүөлэгиттэн, пуорум ааптардара Октябрина, Александр Кулешовтар кыра нэһилиэккэ олохсуйан «Кыһыл майаак» диэн ХЭТ тэриммиттэрин, Хочоттон кэлбит ырыа куттаах Туйаара, Николай Куприяновтар айар үлэ эйгэтигэр дьиэ кэргэнинэн умсуйуган туран дьарыктаналларын уонна Хара бөһүөлэгин эдэр ыала Анна, Иван Петровтар бааһынай хаһаайыстыба тэринэн хайдах дьаһанан олороллорун туһунан сиһилии кэпсээтилэр, уопуттарын атастастылар, ыччаттар мунаарар ыйытыыларыгар хоруйдаатылар, сүбэлэри-амалары биэрдилэр.  

Пуорумҥа СӨ Ыччат бэлиитикэтигэр уонна дьиэ кэргэн дьыалаларыгар миниистири солбуйааччы Савва Михайлов, улуус баһылыгын бастакы солбуйааччы Павел Сазонов, дьокутааттар оройуоннарын Сэбиэтин бэрэссэдээтэлэ Андрей Находкин, ыччат бэлиитикэтигэр уонна дьиэ кэргэн дьыалатыгар управление салайааччыта Константин Захаров, «Майа сэлиэнньэтэ» МТ баһылыга Дмитрий Тихонов, «I-Наахара нэһилиэгэ» МТ баһылыга Алексей Григорьев, «Билии» уопсастыба лиэктэрэ, норуот педагогикатын утумнааччы Любовь Аргунова, СӨ Ыччат бэлиитикэтигэр уонна дьиэ кэргэн дьыалаларыгар министиэристибэ дьиэ кэргэн дьыалатыгар исписэлииһэ Татьяна Слепцова уонна «Олоҥхо дьиэтин» салайааччыта, улуустааҕы дьахталлар сэбиэттэрин бэрэссэдээтэлэ Евдокия Иванова кытыннылар, эдэр ыалларга баҕа санааларын эттилэр.   Пуорумҥа бары кыттыыны ылбыт ыччаттар тэрээһин бары өртүнэн туһалаах уонна көдьүүстээх буолбутун бэлиэтээтилэр. Бу күн эдэр ыаллар өрөспүүбүлүкэтээҕи ассоциациялара тэрилиннэ.

Күн иккис аҥарыгар Майаҕа «Дьол түһүлгэтин» дьиэтигэр улуустааҕы дьиэ кэргэн киинэ аһыллар үөрүүлээх малааһына буолла. Саҥа кииҥҥэ дьиэ кэргэн боппуруостарынан араас хабааннаах тэрээһиннэр ыытыллыахтара, киһи уйулҕатын үөрэтээччилэр сүбэлиир-амалыыр көмөлөрө оҥоһуллуоҕа, кыһалҕалаах дьон ханнык баҕарар ыйытыыга кэлэн санааларын атастаһар кыахтанныахтара, ону сэргэ саҥа холбоспуттар саахсаланыахтара. Киин «Майа сэлиэнньэтэ» МТ дьаһалтатын иһинэн социальнай бырагыраама чэрчитинэн үбүлэнэн тэрилиннэ, манна уопуттаах психолог Виктория Бурнашева үлэлиэҕэ.

СӨ  Ыччат бэлиитикэтигэр уонна дьиэ кэргэн дьыалаларыгар миниистири солбуйааччы Савва Михайлов: «Өрөспүүбүлүкэҕэ аан-маҥнайгынан эдэр ыал ассоциациятын, дьиэ кэргэн киинин тэрийээччилэринэн эмиэ мэҥэ хаҥаластар буоллулар. Кинилэр уопуттарын атын улуустар ылан сайдан иһиҥ», ‒ диэн эдэр ыалларга эттэ.

Бу түгэҥҥэ миниистири солбуйааччы Савва Михайлов уонна «Майа сэлиэнньэтэ» МТ баһылыга Дмитрий Тихонов ыкса үлэлэһэргэ диэн сөбүлэһии түһэрсэн, илии баттастылар.

Д.Ф. Ходулов аатынан норуот айымньытын дьиэтигэр 2017 сыл түмүгүнэн бастыҥ ыччаттарын бэлиэтээтилэр. Ол курдук, СӨ Ил Түмэн грамотатынан Төхтүр ускуустубаҕа оскуолатын уһуйааччыта Алексей Говоров, Төхтүрдээҕи култуура киинин исписэлииһэ Айаан Верховцев, «Кыталык» киин үҥкүүһүтэ Илья Крылов, Ф.Г.Охлопков аатынан Майа орто оскуолатын муусукаҕа учуутала Сахайаана Ларионова уо.д.а. наҕараадаланнылар.

Сыл түмүгүнэн «Үөрэҕирии эйгэтигэр бастыҥ» аатын В.П.Ларионов аатынан Майа орто оскуолатын учуутала Темир Сыдыкбеков, «Доруобуйа харыстабылын эйгэтигэр бастыҥ» ‒ анестезиолог-реаниматолог быраас Гаврил Жирков, ОДьКХ салаатыгар ‒ «Теплоснаб» тэрилтэ маастара Василий Куприянов, тыа хаһаайыстыбатыгар ‒ «Хоту» ТХПК ыстаарсай лабараана Лия Шестакова, быраабы араҥаччылыыр уорган салаатыгар ‒ полиция ыстаарсай лейтенана Мария Шишигина, култуура уонна духуобунай сайдыы эйгэтигэр ‒ Д.Ф.Ходулов аатынан норуот айымньытын дьиэтин звукооператора Алексей Ощепков, ыччат бэлиитикэтигэр уонна дьиэ кэргэн дьыалатыгар ‒ Дойду нэһилиэгин ыччатын лиидэрэ Сахамила Михеева, тутуу уонна архитектура эйгэтигэр ‒ «Мегинострой» тэрилтэ прораба Захар Федоров, энергетика уобалаһыгар ‒ РЭС Аллараа Бэстээх учаастагын маастара Павел Билюкин, нэһилиэнньэ дьарыктаах буолуутун салаатыгар ‒ улуустааҕы дьарыктаах буолуу киинин иниспиэктэрэ Светлана Никитина, дойду оборуонатын салаатыгар ‒ Мэҥэ Хаҥаластааҕы уонна Уус Алданнааҕы байыаннай комиссар көмөлөһөөччүтэ Розалия Яковлева, «Бастыҥ предприниматель» аатын бааһынай хаһаайыстыба салайааччыта Роман Герасимов сүктүлэр.

«Ыччат дьыалатыгар бастыҥ муниципальнай тэриллии» аатын «Томтор нэһилиэгэ» МТ баһылыга Мирон Свинобоевка, «Ыччакка бастыҥ настаабынньык» аатын РФ үтүөлээх үлэһитигэр, «Кыталык» ансаамбыл салайааччытыгар Василий Винокуровка, «Оҕо хамсааһынын бастыҥ лиидэрэ» аатын В.П.Ларионов аатынан Майа орто оскуолатын 11 «а» кылааһын үөрэнээччитигэр Алена Дмитриеваҕа туттардылар, «Ыччат сылыгар бастыҥ бырайыак» аатын Федор Федоров баһылыктаах «Дойду сайдыыта ‒ ыччат илиитигэр» диэн бырайыак, «Ыччат бастыҥ уопсастыбаннай тэриллиитэ» ‒ Айна Попова салайааччылаа «Сайдыс» лааҕыр педагогическай этэрээттэрин түмсүүтэ ааттаннылар.

Ыччат баалын кыттыылаахтарын саха эстрадатын чаҕылхай сулустара, улуус эдэр талааннара эҕэрдэлээтилэр.

Виктория Белолюбская

«Эркээйи» хаhыат            

                 

 
По теме
Ил Түмэн III ыҥырыытын спикерэ Ньургун Тимофеев төрөөбүтэ 55 сылын туолла - Государственное Собрание РС(Я) Саха Өрөспүүбүлүкэтин судаарыстыбаннай уонна уопсастыбаннай деятелэ, Саха Өрөспүүбүлүкэтин III ыҥырыылаах Судаарыстыбаннай Мунньаҕын (Ил Түмэн) бэрэссэдээтэлэ, техническэй наука кандидата,
09.02.2018
 
Как сообщил председатель Государственного комитета по обеспечению безопасности жизнедеятельности населения РС(Я) Дмитрий Лепчиков, сегодня, 17 ноября,
18.11.2018
Подготовлена поправка в методику исчисления ущерба, нанесённого исконной среде обитания коренных народов России, документ будет внесён в Госдуму до конца осенней сессии.
17.11.2018
Концертом-медитацией варганной музыки «Хомус Алыптаах Тойуга» открылась неделя хомуса в Якутии, сообщает ЯСИА.
17.11.2018
 
Личный прием граждан: с какими вопросами обращаются к народным депутатам республики - Государственное Собрание РС(Я) Народные депутаты, руководители постоянных комитетов Государственного Собрания (Ил Тумэн) Республики Саха (Якутия)  17 ноября 2018 года провели личный прием граждан.
17.11.2018
Сегодня, 17 ноября, в Главное управление МЧС России по Республике Саха (Якутия) поступила информация о том, что с острова Большой Ляховский Булунского района оторвало и отнесло в море льдину с 8 людьми.
17.11.2018 V-Yakutia.Ru
В Якутии горят гаражи - ИА SakhaLife.Ru 16 ноября 2018 г. в 12.14 на пульт «01» поступило сообщение о пожаре в частном гараже на улице Сосновая г. Алдан Алданского района.
17.11.2018 ИА SakhaLife.Ru
Всё о ней,  о музыке! - ИА SakhaLife.Ru По многочисленным просьбам телезрителей  ТО «Сулус-Медиа» вновь представляет 1-ю часть своего нового цикла «Всё о музыке».
17.11.2018 ИА SakhaLife.Ru
В Якутске прошел день съемок фильма «Дьулуур: Мас-рестлинг». Генеральный продюсер картины Филипп Абрютин снял видео, где жалуется на холод, а актер Владимир Епифанцев, снимающийся в фильме, заявляет ему: «Филипп, тулуй,
17.11.2018 ИА SakhaLife.Ru
Якутские пауэрлифтеры снова на вершине успеха! - ИА SakhaLife.Ru В проходившем в г. Луксар Египте Чемпионате Мира по пауэрлифтингу среди лиц с нарушением зрения (10-18 ноября 2018г.) наши спортсмены,  Сазонов Игорь стал Чемпионом Мира по жиму лежа и серебряным призером по троеборью,
16.11.2018 ИА SakhaLife.Ru
Сегодня, 17 ноября, в Главное управление МЧС России по Республике Саха (Якутия) поступила информация о том, что с острова Большой Ляховский Булунского района оторвало и отнесло в море льдину с 8 людьми.
17.11.2018 V-Yakutia.Ru
Депутаты Ил Тумэна рассмотрели главный финансовый документ республики - Государственное Собрание РС(Я) Вопросы формирования главного финансового документа Якутии на 2019 год и на плановый период 2020-2021 годов рассмотрены в Государственном Собрании (Ил Тумэн) республики 15 ноября 2018 года на расширенном заседании постоя
17.11.2018 Государственное Собрание РС(Я)
В период с 08 по 14 ноября т.г. главными государственными ветеринарными инспекторами улусов (районов), города проведены: 1. 6 плановых и 7 внеплановых  проверок (Верхневилюйский, Кобяйский, Мегино-Кангаласский, Сунтарский,
16.11.2018 Департамент ветеринарии РС(Я)