Мэҥэ Хаҥалас улууһугар — «Уус сыла»

Уус сычла 5
Уус сыла1
Уус сыла 2
Уус сыла 3
Фото: ysia.ru

Мэҥэ Хаҥалас улууһугар «Уус сыла» биллэрилиннэ. Бэлиэ сыл сарсыардаттан «Мэнэ-Хаҥалас улууһугар уус-уран оҥорон таһаарыыны сайыннарыы: тустаах өйөбүл, хаачыстыбаны тупсарыы уонна батарар суоллары тобулуу» төгүрүк остуол тула кэпсэтииттэн саҕаланна.

Кэпсэтиигэ улуус баһылыгын бастакы солбуйааччы Сазонов П.Д., «Ил Түмэн» СӨ судаарыстыбаннай мунньаҕын наукаҕа, үөрэҕириигэ, культураҕа, маассабай информацияны тарҕатар ситимнэргэ уонна предпринимательствоны сайыннарар бастайааннай кэмитиэтитин председателэ Григорьева А.А., СӨ култуура уонна духуобунай сайдыы министиэристибэтиттэн Макаров Н.А., СӨ предпринимателлэри өйүүр киин генеральнай дириэктэрэ Седалищева З.А., Хаҥаластан, Чурапчыттан, Амматтан, Мэҥэ Ханаластан уустар, маастардар, иистэнньэҥнэр, култуура үлэһиттэрэ, общественнай түмсүүлэр, о.д.а. уопсайа 160 киһи кытынна.

Төгүрүк остуолга этиллибит санаалары түмэн, саха норуотун уус-уран оҥоһуктара сайдарыгар, айар талааннахтары өйүүр сыаллаах тустаах тэрилтэлэргэ, хайысхаларынан рекомендациялары ыытарга быһаарынныбыт. Салгыы оройуоннааҕы кыраайы үөрэтэр музейга «Уран уус, иис: үгэс уонна аныгы кэм» диэн улуус маастардарын быыстапкалара аһылынна. Манна 52 улуус маастардарын 356 үлэтэ, «Умсулҕан» Хаптаҕай нэһилиэгиттэн, «Хатат», «Ситии» Дьанхаадыттан, «Удьуор утума» Неустроевтар дьиэ кэргэн айар үлэлэрэ туруорулунна.

Д.Ходулов аатынан норуот айымньытын киинигэр «Уус сылын» үөрүүлээх аһыллыыта ураты истиҥ, сэргэх буолла. Анал сылы народнай театр артыыстара «Кудай Бахсы» дьүһүйүүнэн астылар. Салгыы улуус баһылыгын бастакы солбуйааччы Сазонов П.Д. ыалдьыттары, уустары эҕэрдэлээн туран махтал суруктары, Бочуотунай грамоталары туттартаата. Уран тарбахтаахтар дохсун ытыс тыаһыгар доҕуһуоллатан өрөспүүбүлүкэҕэ норуот маастарын аатын ыллылар.

Дьоро киэһэни «Айархаан» этнобөлөх, М.Жирков аатынан музыка училищетын фольклорнай салаатын студеннара, «Кыталык» Россия үтүөлээх, народнай үнкүү ансаамбыла, Тыыллыма нэһилэгин «Тэтим» үҥкүү коллектива, «Манчаары» мантровай музыка бөлөҕө, Майа музыкальнай оскуолатын скрипкаһыттара, Төнүлү нэһилэгин «Доруобуйа» түмсүүтэ, о.д.а. ситэрэн, киэргэтэн биэрдилэр. Долгутуулаах түгэҥҥэ уус сылын анал бэлиэтин (символын) култуура управлениетын салайааччытын солбуйааччы Максимова Н.А., Олоҥхо дьиэтин салайааччы Иванова Е.Н. улуус уустарыгар, маастардарыгар Борисов У.Н., Романов Е.В., Андросов В.А., Егорова Т.Д. туттардылар.

Быйылгы сыл уустар сылларыгар улахан үлэ, хамсааһын саҕаланна. Онон киэҥ хайысхалаах былааннаах үлэ барыаҕа. Бэс ыйыгар С.И.Гоголев-Амынньыкы Уус 105 сааһын көрсө тимир уустарыгар «Ураһалаах» алааһыгар өрөспүүбүлүкэтээҕи семинар ыытыллыаҕа. Москва куораттан Россия уустарын Сойууһун Вице президенэ Борис Милов маастар-кылаас оҥоруоҕа, уустарга быһах, хомус оҥоруутугар киэҥ күрэс ыытыллыаҕа. Ыһыах кэмигэр мас уустара «Мас тойуга» диэн күрэхтэһиигэ кыттыахтара. Иистэнньэҥнэргэ СӨ норуотун маастра А.П.Скрябина 90 сааһыгар аналлаах «Өбүгэ таҥаһа», ыһыах кэмигэр саха таҥаһыгар куонкурустар ыытыллыахтара, научнай-практическай семинар, онтон да атын тэрээһиннэр буолуохтара. «Мэҥэ Хаҥалас улууһун раритеттара» кинигэ тахсыытыгар Национальнай художественнай музейы кытта үлэлэһиэхпит, «Мэнэ Ханалас уустара, маастардара» каталог, «С.И.Гоголев –Амынньыкы» С.И.Сосин кинигэтин сөргүтэн таһаарыахпыт. Тэрээһиҥҥэ сылдьыбыт ыалдьыттарбыт, уустарбыт, маастардарбыт эппит-тыыммыт баҕа санаалара өйөбүлү ылан олоххо киирэригэр тиһиктээхтик үлэлэһиэхпит.

4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
Фотофакт: Историк Пантелеймон Петров на открытии выставки со своей первой учительницей - ИА SakhaLife.Ru Кандидат исторических наук Пантелеймон ПЕТРОВ со своей первой учительницей Варварой Сергеевной ЗВЕРЕВОЙ на открытии своей выставки, посвященной 75-летию учёного, эксперта по истории города Якутска.
ИА SakhaLife.Ru
В Якутске состоялся I Открытый конкурс исполнителей на кылыһах кырыымпе - Министерство культуры        28 марта с.г. состоялся I Открытый конкурс исполнителей на кылыһах-кырыымпе, посвящённый 10-летию ансамбля якутских инструментов "КЫЛ САХА" Национального театра танца РС (Я) им.
Министерство культуры