НЬУРБА КҮНДЭЭДЭТИГЭР ҮЛЭ КИҺИТИН ЧИЭСТЭЭТИЛЭР

НЬУРБА КҮНДЭЭДЭТИГЭР ҮЛЭ КИҺИТИН ЧИЭСТЭЭТИЛЭР
НЬУРБА КҮНДЭЭДЭТИГЭР ҮЛЭ КИҺИТИН ЧИЭСТЭЭТИЛЭР
Фото: ulus.media

Ньурба улууһугар  Саха сирин тыатын хаһаайыстыбатын үтүөлээх үлэһитэ Николай Николаевич Филипповы 90 сааһынан чиэстээтилэр. Оройуон, Күндээдэ нэһилиэгин бочуоттаах олохтооҕо  68 сыл үлэ ыстаастаах. Бу дьоро киэһэҕэ ытык кырдьаҕаска оҕолоро, уопсастыбаннас итии-истиҥ эҕэрдэлэрин анаатылар.

Күндээдэлэр биир ытыктыыр тыыл, үлэ бэтэрээннэрэ  Николай Николаевич Филиппов  90 сааһын бэлиэтээри «Туску» норуот айымньытын дьиэтигэр муһуннулар. Устар ууну сомоҕолуур уус тыллаах ыытааччы  Галина Гурьева  саас сааһынан этэн-тыынан, үбүлүөйдээх киһини эҕэрдэлиир бииртэн биир үтүө тыл этиллэригэр баҕарда. Дьоро киэһэни «Нөрүөн нөргүй» ырыатынан «Кытыл» түөлбэ олохтооҕо  Василий Васильев  аста. Ытык кырдьаҕас  Николай Николаевич   бэйэтин олоҕун, үлэтин туһунан лоп-бааччы билиһиннэрдэ.

Улуус баһылыгын социальнай боппуруостарга солбуйааччыта  Анна Михайловна Уларова: « Бүгүн Күндээдэҕэ хас да төгүл үөрүүлээх дьоро киэһэҕэ кэлбиппиттэн, ытык кырдьаҕаска үс төгүл үөрүүнү туттарарбыттан астынан, долгуйан турабын. Москваттан Арассыыйа бэрэсидьиэнэ В.В.Путин илии баттааһыннаах уонна Саха сирин Ил Дархана А.С.Николаев Эҕэрдэ суруктарын, улуус баһылыга А.М.Иннокентьев Махтал суругун туттарарбын көҥүллээҥ «, — диэтин кытары ытыс тыаһынан саала иһэ ньиргийдэ. Бу түгэн олус долгутуулаах, «ураа» хаһыы доҕуһуоллаах буолла.

Олохтоох дьаһалта баһылыга  Юрий Николаевич Васильев, «Күндээдэ» акционернай общество кылаабынай исписэлииһэ  Б.Р.Иванов  эҕэрдэлээтилэр.

Николай Николаевич оҕолоро үбүлүөйгэ анаан «Харыйалаах алааһым…» диэн хаачыстыбалаах кинигэни сакаастаан таһааран, аҕаларыгар дьоһун бэлэх ууннулар. Маны кыыһа  Елена Николаевна  барытын сып-сап курдук дьаһайан таһаартарбыт. Сүбэ-ама буолбут күтүөттэрэ, Октябрьскай нэһилиэк бэтэрээннэрин Сэбиэтин бэрэссэдээтэлэ  Семен Иванович Самсонов  олох кылгас кэм иһигэр таҥыллыбыт кинигэ дьылҕатын туһунан олус интэриэһинэйдик кэпсээтэ.

«Алгыс» аҕам саастаахтар түмсүүлэрин бэрэссэдээтэлэ  С.А.Замятина  эҕэрдэлээтэ. 83 саастаах  Розалия  Макаровна Георгиева  ылбаҕай кэрэ ырыатынан бар дьон махталын ылла. «Туску» норуот айымньытын эдэр исписэлииһэ  Элла Семенова  чэгиэн, чуор куолаһынан «Эдэр сааска эргиллии» ырыатынан саала иһин толордо. 11 кылаас үөрэнээччитэ, олохтоох оскуоланы бүтэрээччи  Павел Платонов  «Махтал эйиэхэ, Сахам сирэ» бэрт дьоһуннаахтык ыллаата.  Кыыһа Лена астаан аҕалбыт алаадьыта, лэппиэскэтэ, минньигэс туорда, ип-итии саламаата, тоҥ сылгы этэ, быырпаҕа сандалы остуолун олус киэргэттэ.

Галина Васильевна бэйэтин нарын ырыатынан эҕэрдэлээтэ. Дьоро күн буруйдааҕа  Николай Николаевич Филиппов күндү ыалдьыттарыгар, «Кытыл» түөлбэ уонна нэһилиэк олохтоохторугар, уопсастыбаннаһыгар, «Туску» дьиэ үлэһиттэригэр, бу дьоро киэһэни тэрийэн ыыппыт Г.В.Гурьеваҕа, кыыһыгар Ленаҕа барҕа махтал тылларын анаата.

Ити курдук 68 сыл устата үлэни өрө туппут үтүө суобастаах ытык кырдьаҕас Н.Н.Филипповы эҕэрдэлээтилэр, 100 сааһыгар диэри маннык чөл олохтоох, өйдөөх-санаалаах тийэригэр баҕардылар.

Ааптар: Таисия Иванова, Ulus.media

 
По теме
Вилюйский район: Совместные рейды с МТПК - Противопожарная служба Пожарные и инструкторы противопожарной профилактики ОГПС РС(Я) №15 по МО «Вилюйский улус (район)» активно проводят инструктажи по пожарной безопасности.
Противопожарная служба
Сильный ветер и метель - Нерюнгринский район ПО ПРОГНОЗУ ФГБУ «ЯУГМС»: ближайшие сутки, 30 марта в Нерюнгринском районе, сохраниться сильный ветер с порывами до 15-20 м/с, метель.
Нерюнгринский район
В Якутской гордуме: поддержка участников СВО и их семей и вопросы школьной медицины - ИА SakhaLife.Ru В Якутской гордуме в новом созыве проведена структурная реорганизация — вместо одной комиссии по соцполитике сейчас действуют две — по социальной поддержке и охране здоровья граждан и по образованию, культуре и детству.
ИА SakhaLife.Ru
Фотофакт: Историк Пантелеймон Петров на открытии выставки со своей первой учительницей - ИА SakhaLife.Ru Кандидат исторических наук Пантелеймон ПЕТРОВ со своей первой учительницей Варварой Сергеевной ЗВЕРЕВОЙ на открытии своей выставки, посвященной 75-летию учёного, эксперта по истории города Якутска.
ИА SakhaLife.Ru
Названы лауреаты премии «Күн Өркөн» - ИА SakhaLife.Ru XXXI гала-концерт колледжа культуры и X I церемония вручения премии «Күн Өркөн» 28 марта 2024 г. в Якутске состоялся гала-концерт студентов Якутского колледжа культуры и искусств им.
ИА SakhaLife.Ru
В Якутске состоялся I Открытый конкурс исполнителей на кылыһах кырыымпе - Министерство культуры        28 марта с.г. состоялся I Открытый конкурс исполнителей на кылыһах-кырыымпе, посвящённый 10-летию ансамбля якутских инструментов "КЫЛ САХА" Национального театра танца РС (Я) им.
Министерство культуры