Мындаҕаайыга ТХПК, агрооскуола уонна бааһынай кэпэрээссийэлэһэн үлэлииллэр

Тыа хаһаайыстыбатын миниистирин э.т. Александр Атласов Чурапчы улууһугар оробуочай сырыытын кэмигэр Мындаҕаайыга эдэр фермер Данил Павловы көрүстэ. Данил Данилович бааһынай хаһаайыстыбаны 2015 сыллаахха тэриниэҕиттэн оҕуруот аһын үүннэриинэн дьарыктанар.

Данил Павлов агрооскуолаҕа дириэктэрдии сылдьан: “Бэйэбит сирбитигэр хортуоппуй, хаппыыста дэлэйдик олордон, үүннэрэн, атыыга таһааран, тоҕо атын улуустары кытта хааччыйыа суохтаахпытый”, — диэн санааттан хаһаайыстыба тэринэн, 2016 сыллаахха граҥҥа киирсибит. Бастакы сылларыгар Өлүөхүмэттэн хортуоппуй сиэмэтин атыылаһан аҕалан, 7 гектар иэннээх сиргэ ыспыттар. Ону таһынан хаппыыста уонна сүбүөкүлэ олордубуттар. Биллэн турар, хаппыыстаны көрөр-истэр олус сыралаах, ол эрээри, үгүс ыал бэйэтэ олордубатынан, атыыга хамаҕатык барыа диэн эрэх-турах санаалаах. Былырыын 1 гектартан 11 туонна хаппыыста үүнүүтүн ылбыт. Итиэннэ 20 гектарга хортуоппуй ыһыылааҕын быйыл 25 гектарга диэри кэҥэппит, оттон моркуоптаах сүбүөкүлэтин 60 суотайга тиийэ улаатыннарбыт.

Куһаҕана диэн, хаһаайыстыба ылбыт үүнүүтүн уурар-харайар анал сирэ суох эбит. Ааспыт кыһын гаражка ууран хаһааммыттар. Данил 500 туонна хортуоппуй, оҕуруот аһа киирэр истээх хранилище көҥдөйүн туттубутун көрдөрдө. “Матырыйааллааҕым буоллар, тутуубун ситэриэм этэ”, — диир. Тутуу 35 х 11 м иэннээх, арочнай. Акылаатыгар буор кутуутуттан саҕалаан, көҥдөйө бүппүт. Итиннэ 6 мөлүйүөн солкуобай ороскуоттаммыт. Иһигэр массыына киирэр боксата, хортуоппуйу хаһаанарга аналлаах араас тутуу оҥоһуллуохтаах. Бу тутууга барыта 27 мөл. солк. кээмэйдээх үп эрэйиллэр эбит. Быйыл бырагыраамаҕа киирсиэхтээҕин, бүддьүөт үбүн оптимизациялааһыҥҥа түбэһэн, кыайан киирбэтэх. Эдэр фермер Тыа хаһаайыстыбатын министиэристибэтэ күүс-көмө буолан, кэлэр сыллааҕы бырагыраамаҕа киллэрэллэригэр баҕа санаатын этиннэ.

 

Миниистир салайааччылаах бөлөх салгыы Бэс Күбээйи учаастагар тиийдэ. Сыралҕан куйааһы   билиммэккэ, оскуола оҕолоро сыыс от үргүү, хортуоппуй көмө сылдьаллар. Кинилэри    Валерий Дьячковскай, оскуола агронома  Елена Диодорова  салайаллар. Үүнүүлэрэ улааппыт. Уу ыстаран күдээритэллэр.

Олохтоох агрооскуола бэйэтэ сирдээх. Ыһыыларын иэнэ 4 гектар. Түөрт сиргэ хортуоппуй олордубуттар, бөһүөлэктэн Кыстык Кугдаҕа барарга оҕуруот аһын үүннэрэр улахан тэпилииссэлээхтэр. Үөрэнээччилэр үс сезоҥҥа үлэлииллэр. Иккис кылаастан саҕалаан сылдьаллар. Тэпилииссэҕэ оҕуруот аһа үүнэн силигилии турар. Оҕурсулара сиппит.

«Мындаҕаайы» ТХПК, агрооскуола уонна Д.Д.Павлов бааһынай хаһаайыстыбата Чурапчы улууhугар тыа хаhаайыстыбата сайдарын туhугар сүбэлэрин холбоон, кэпэрээссийэлэһэн,  үгүс үлэни ыыталлар.

Данил Павлов дуогабардаһан, агрооскуоланы уонна оҕо саадын хааччыйар эбит. “Мындаҕаайы” ТХПК элбэх тиэхиньикэлээх. Ааспыт сылга икки бырагыраамаҕа киирсэн, культиватор уонна быйыл улахан комбайн ылбыт. Оттон Үлэ дьоруойа Р.И.Константинов аатынан агрооскуола дириэктэрэ Виктория Ивановна Пермякова сөптөөхтүк дьаһанан, быйыл оскуола «Туймаада-Лизинг» хампаанньаттан лизиҥҥэ «Беларус-82.1» тыраахтары атыыласпыта улахан төһүү буолбут. Маннык тэрээһиннээх үлэ күһүҥҥү хомуур түмүгэр үтүө сабыдыаллаах буолуо диэн нэһилиэк   тыа хаһаайыстыбатын тэриллиилэрин салайааччылара эрэнэллэр.

ТХМ пресс-сулууспата

 
По теме
АЛЕКСАНДР АТЛАСОВ МЫНДАҔААЙЫТААҔЫ ЫНАХ СҮӨҺҮНҮ ИИТЭР КОМПЛЕКС ТЫА ХАҺААЙЫСТЫБАТЫН ТУТААХ САЛААТА ДИЭН БЭЛИЭТЭЭТЭ - Министерство сельского хозяйства Ааспыт өрөбүллэргэ Тыа хаһаайыстыбатын миниистирин эбээһинэһин толорооччу Александр Атласов, миниистири солбуйааччы Виктор Павлов уонна сири оҥорууга,
10.07.2018
Городская планерка: кадровое обновление в окружных управах и ремонт улично-дорожной сети - Администрация г.Якутск Вопросы обновления руководящих кадров в ряде управ города, а также подготовка к ремонту улично-дорожной сети стали ключевыми вопросам на состоявшейся в понедельник общегородской планерке.
13.11.2018
 
Пожары в Якутии - ИА SakhaLife.Ru Информация о техногенных пожарах, произошедших на территории Республики Саха (Якутия): 11 ноября 2018 г. в 23.05.
13.11.2018 ИА SakhaLife.Ru
Большинство преступлений против личности совершаются на почве бытового пьянства.
13.11.2018 МВД Республики Саха (Якутия)
«МОЕ дыхание ТЕАТР…» - ИА SakhaLife.Ru Заслуженный деятель искусств Республики Саха (Якутия), обладатель Гран-при (2009г.) и номинации «Лучший режиссер» (2010г.) Всероссийской национальной театральной премии «Арлекин», Лауреат Международных,
13.11.2018 ИА SakhaLife.Ru
Городская планерка: кадровое обновление в окружных управах и ремонт улично-дорожной сети - Администрация г.Якутск Вопросы обновления руководящих кадров в ряде управ города, а также подготовка к ремонту улично-дорожной сети стали ключевыми вопросам на состоявшейся в понедельник общегородской планерке.
13.11.2018 Администрация г.Якутск
Прокуратура Мегино-Кангаласского района провела проверку по коллективному обращению жителей с. Майя о нарушениях законодательства об электроэнергетике.
13.11.2018 Прокуратура РС(Я)
Единая дежурно-диспетчерская служба города Якутска сообщает о плановых отключениях электроэнергии, воды, тепла и газа в связи с ремонтными работами ресурсоснабжающих предприятий и организаций во вторник, 13 ноября.
13.11.2018 ИА SakhaLife.Ru