Орто Халымаҕа «Истиҥ санаам иэйэр илдьитэ» кинигэ күн сирин көрдө

img_0721
img_0760-1
img_0795
Фото: ysia.ru

Байды нэһилиэгин олохтоохторо «Сардаҥа» аҕа саастаахтар түмсэр дьиэлэригэр «Истиҥ санаам иэйэр илдьитэ» диэн хомуурунньугу биһирэмнээтилэр. Кинигэ олохтоох библиотека сэбиэдиссэйэ Лена Третьякова уонна бэтэрээннэр Сэбиэттэрин сэбиэдиссэйэ Александра Винокурова хомуйууларынан күн сирин көрдө.

Хомуурунньукка Байды нэһилиэгин айар куттаах дьонун хомоҕой хоһоонноро, уруһуйдара, үлэ түмүгүн суруйуулара уонна көрүдьүөстээх кэпсээннэрэ киирдилэр. Айымньылар сүрүн тиэмэлэринэн төрөөбүт дойдуга таптал, оҕо, эдэр саас ахтылҕана, ийэҕэ-аҕаҕа, эбээҕэ махтал буолар. Кинигэ аата да этэринии, ааптардар истиҥ санааларын ааҕааччыларыгар илдьит ыыталлар.

Кинигэ «Халыма долгуннара» хаһыат эрэдээксийэтигэр 35 ахсаанынан бэчээттэнэн таҕыста, төлөбүрүн ааптардар уонна Байды нэһилиэгин дьаһалтата уйуннулар. Эрэдээксийэ ааҕыытынан, 1991 сыллаахтан типографияҕа, эрэдээксийэҕэ бэчээттэнэн тахсыбыт бу 101-с кинигэ буолар.

Кинигэни сүрэхтээһин мааны астаах остуол тула ырыа-тойук аргыстаах ыытылынна. Ааптардары кытта биир дойдулаахтара кыттан, үөрүүлэрин үллэһиннилэр. Хомуурунньук туһунан санааларын кэпсээтилэр, махтал тылларын эттилэр, айымньыларын ааҕан иһитиннэрдилэр. Кинилэри кытта «Кэскил» уһуйаан иитиллээччитэ Серёжа Третьяков , оскуола үөрэнээччилэрэ Надя Касьянова, Сахаайа Еремеевэ, Дьулус Алексеев уонна Айгуль Ильина кинигэҕэ киирбит хоһооннору аахтылар.

Ааптардарга, нэһилиэк дьаһалтатыгар, кииннэммит библиотекаҕа, эрэдээксийэҕэ, «Кэскил» уһуйааҥҥа, орто оскуолаҕа итиэннэ бэтэрээннэр Сэбиэттэригэр кинигэлэри бэлэхтээтилэр. Маны таһынан Дьокуускайга А.С.Пушкин аатынан өрөспүүбүлүкэтээҕи библиотекаҕа ыытылынна.

Байды нэһилиэгин айар куттаах дьонун айымньыларын хомуурунньуктара бастакы тахсыыта буолар. Онон, олохтоохтор бу кинигэни илиилэригэр ылан ааҕан, биир дойдулаахтарыттан холобур ылыахтара, киэн туттуохтара дии саныыбын. Инникитин Байды сириттэн-уотуттан саҥа ааттар ааттана турдуннар.

Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)