Антонина Сергучева 39 сыл ветеринарнай лабораторияҕа үлэлээбитэ

Мэҥэ-Хаҥалас улууһун ветеринарнай сулууспатыгар уһуннук дьоһуннук үлэлээбит элбэх специалист баар. Улуус Ветеринарияҕа управлениетыгар ветеринарнай слууспа Мэҥэ-Хаҥалас улууһугар үлэтин кэпсиир анал музейы былырыын, 2016 сыллаахха тэрийбиттэр. Бу музейга элбэх ветераннар үлэлэрин, бииргэ үлэлээбит дьоннорун туһунан киэҥ, дьиҥ чахчы түгэннэри арылыччы кэпсиир ахтыылар бааллар. Бу ахтыылартан биири – Мэҥэ-Хаҥалас уулууһун ветеринарнай-чинчийэр лабораториятыгар халбаҥнаабакка 39 сыл устата үлэлээбит ветеринарнай врач Антонина Васильевна Сергучева азтыытын кытта билиһиннэрэбит.

 

  • Мин 1956 сыллаахха Саха государственнай университетыгар тыа хаһаайыстыбатын факультетын ветеринарнай отделениятыгар ветеринарнай врач идэтигэр үөрэнэ киирбитим.
  • 1961 сыллаахха үөрэхпин бүтэрэн, үһүө буоламмыт – Н.С. Яковлев Мэҥэ-Хаҥалас оройуонугар ветстанция начальнигынан, К.С. Капитонова Майа ветеринарнай лабораториятын сэбиэдиссэйинэн, мин серолог бырааһынан үлэбитин саҕалаабыппыт.

    Ити кэмтэн ыла киһиэхэ уонна сүөһүгэ кутталлаах бруцеллез, туберкулез, сотуун курдук сыстыганнаах ыарыылары, кыһыылаах ымынаҕы төрдүттэн эһиигэ, сүөһүттэн ылыллар бородууксуйаны дэлэтиигэ уонна хаачыстыбатын тупсарыыга, сүөһү көнньүнэн өлүүтүн аҕыйатыыга, үлэ бастыҥ ньыматын олоххо киллэриигэ дьулуурбутун, билиибитин ууран туран күнү-дьылы аахсыбакка үлэлиирбит. Оччолорго санитарканан М.К. Дьячковская үлэлиирэ. Ити кэмҥэ кэтэх ыал сүөһүлэрин күүскэ эмтииллэрэ, көһө сылдьар лабораторияҕа совхозтар сүөһүлэрин хаанын ылан бруцеллез ыарыыга Дьокуускайга анализтата ыыталлар эбит.

    1961 сылларга оройуон ветбаклабораторията тэриллибитэ. Онно икки   ветврач, икки лаборант, икки санитар уонна уборщица буолан үлэлээбиппит.

    Ол кэмнэргэ 1960-1980 сылларга, Мэҥэ-Хаҥалас улууһугар элбэх совхозтар тэриллибиттэрэ. Онон бу совхозтарга сүөһү хаанын сыстыганнаах ыарыыларыгар бруцеллезка, туберкулезка, паротуберкулезка аналиһы ылар үлэ барбыта. Ону таһынан инвазионнай ыарыыларга 40 тыһыынча ынах сүөһүгэ, 20 тыһыынча сылгыга, сибиинньэ, саһыл фермаларыгар чинчийии ыытыллыбыта.

    1962-1966 сылларга управление сэбиэдиссэйинэн В.А. Фонарева үлэлээбитэ. Бу сылларга биһиги, ветеринарнай быраастар, производственнай отдел аһыллан «Саратовскай закваска» диэн ааттаах көөнньөрбөнү өрөрбүт, үүнээйини гидропоннай ньыманан лабораторияҕа бэйэбит үүннэрэрбит. Ити курдук, сүөһүнү иҥэмтэлээх битэмииннээх аһылыгынан аһатыыга саҥа бастыҥ уопуттары совхозтар фермаларыгар тарҕатар этибит.

    1981-93 сс. ветстанция начальнигынан З.Е. Платонова үлэлээбитэ. Кини үлэлиир кэмигэр 1992 с. кылгас кэм иһигэр оройуон ветбаклабораториятын сана дьиэтэ тутуллубута. Киэҥ, сырдык 5-6 тус туһунан отделлардаах (бактериологическай, серологическай, токсикологическай, биохимическай, эти хонтуруоллуур), саҥа элбэх аппаратуранан (автоклавтар, термостаттар, реактивтар, пробиркалар) араас прибордарынан хааччыллыбыппыт. Үлэ-хамнас дьэ күүһүрэн өссө күргүөмнээхтик барбыта.

    1980-1994 сс. мин онно сэбиэдиссэйинэн үлэлээбитим. Тыа хаһаайыстыбатын министерствота ветотдела улуустарга сыл аайы туруорар былааннарын толорорго дьулуһан үлэлиирбит. Коллективпытыгар 4 ветврач, 2 лаборант, 2 санитар штаттаах этибит. Производственнай отделга «Саратовскай заквасканы», брикеттэри, күөх үүнээйини үүннэрэн саҥа бастыҥ уопуту совхозтар фермаларыгар тарҕатарбыт. Субботниктарга, от үлэтигэр, дулҕа быһыытыгар кыһыннары-сайыннары көхтөөхтүк үлэлиирбит. Ол саҕана Уус-Алдан, Хаҥалас оройуоннарын кытары социалистическай куоталаһыыга маҥнайгы-иккис миэстэлэртэн түспэт этибит.

    Күүстээх үлэбит түмүгүнэн Ветеринарнай лаборатория коллектива Үлэ Кыһыл знамятынан наҕараадаламмыта.

    1975 с. Туруулаһан туран үлэлээбиппит түмүгэр Мэҥэ-Хаҥалас улууһугар бруцеллез, паратуберкулез ыарыылары суох оҥорбуппут.

    Өр сылларга идэлэрин баһылаабыт специалистар Е.А. Санникова, Т.П. Аргунова, А.А. Семенова, С.М. Сосина, лабораннар – Ф.С.Пахомова, М.Н. Варфоломеева, санитардар Т.С. Шергина, Е.Н. Протодьяконова бары биир киһи курдук бэриниилээхтик үлэлээбиппит.

    Оройуоҥҥа тэрилтэлэр икки ардыларыгар биллэриллэр социалистическай куоталаһыыга өрүү инники күөҥҥэ сылдьарбыт, хас да төгүл Тыа хаһаайыстыбатын министерствотын Бочуотунай грамоталарынан наҕараадаламмыппыт. Бииргэ үлэлиир ветстанциябыт коллектива, кылаабынай бырааһа З.С. Платонова, эпизоотолог быраастар Х.М. Слободчикованы, Т.Р. Гаврильеваны кытары противоэпизоотическай дьаһаллары, бруцеллезка дьаһаллары сылын аайы энчирэппэккэ толорорбут.

    1994 сылтан оройуоҥҥа ветеринарнай сулууспа иккис көлүөнэ эдэр специалистарынан солбуллан барбыта. Онно ветеринарнай чинчийэр лаборатория директорынан А.А. Дьячковская анаммыта. Лаборатория коллектива хас сыл аайы чинчийиитэ эбиллэн, үүттэн ылыллар бородууксуйа хаачыстыбатын бэрэбиэркэлииргэ үлэ ыытыллар. Билигин бу лаборатория Росаккредитация систематынан ирдэнэр критерийдарга толору эппиэттээн түөрт төгүл аккредитацияны баран квалифицированнай, эппиэтинэстээх специалистарданан үлэлии сылдьаллар. Ол курдук, А.А. Дьячковская 2001 с. ветуправление начальнигынан ананан күн бүгүнүгэр диэри дьоһуннук үлэлии сылдьар. Лаборатория директорынан А.С. Никифорова, ветнадзор инспекторынан И.П. Шарина, специалистарынан Г.С. Григорьева, Е.М. Аммосова үтүө суобастаахтык үлэлии сылдьаллар.

    Бүгүн аапсты кэми ахтан тураммын ол сылларга үлэлээбит ветераннар ааттарыттан эттэхпинэ, билиҥҥи кэм ирдэбилигэр эппиэттиир сырдык таас, толору хааччыллыылаах оройуоннай ветеринарнай лаборатория тутуллара буоллар диэн баҕа санаалаахпын.

    Мин үөрэхпин бүтэриэхпиттэн халбаҥнаабакка биир сиргэ – ветеринарнай лабораторияҕа 39 сыл үлэлээммин 60 сааспар пенсияҕа тахсыбытым. «Үлэ ветерана» медалынан, Бочуотунай грамоталарынан, социалистическай куоталаһыы бэлиэлэринэн наҕараадаламмытым. Өр сылларга ветеринарнай сулууспаҕа бэриниилээх сыралаах үлэбин сыаналаан, 1994 сыллаахха Саха Республикатын үтүөлээх ветеринарнай враһын үрдүк бочуоттаах аата иҥэриллибитэ, Мэҥэ-Хаҥалас улууһун бочуоттаах гражданинабын.

    Аныгы көлүөнэ ветеринарнай быраастарга, бары специалистарга баҕарыам этэ үлэҕитин дьиҥнээхтик таптаан, бары соругу ис сүрэххититтэн ылсан туран толороргутугар. Биһиги, ветеринарнай сулууспа үлэһиттэриттэн дойдубутугар кутталлаах ыарыы турбата олус улахан тутулуктааҕын хаһан даҕаны умнумаҥ!

     

    Екатерина Аммосова,

    ветеринарнай врач, Мэҥэ-Хаҥалас улууһун ветсулууспатын профкомун председателэ

                                       


     

    Фотогалерея 1024576
     
    По теме
    Идэм оҕолорбун атахтарыгар туруорарбар бигэ акылаат буолбута - Департамент ветеринарии РС(Я) 1969 сыл кулун тутар ыйга Дьокуускайдааҕы тыа хаhаайыстыбатын техникумун бүтэрэн ветеринарнай фельдшер идэтин ылбытым уонна дойдубар Төҥүлүгэ, оччотооҕуга Максим Горькай аатынан совхозка үлэҕэ анаммытым.
    20.12.2017
     
    12.10.2018 комиссией в составе: заведующего группой по организации ветеринарных мероприятий  Кравцова В.А., ведущего  ветеринарного врача  группы по ОВМ Шабанова  Т. Г. , представителя МО «Город Мирный»,
    23.10.2018
    Ветеринарные специалисты ГБУ РС(Я) «Управление ветеринарии с ВИЛ Мегино-Кангаласского улуса» проводят ректальное исследование коров на стельность.
    23.10.2018
    Житель Нюрбинского района предстанет перед судом по обвинению в убийстве - Следственный комитет фото СУ СК России по Республике Саха (Якутия) Нюрбинским межрайонным следственным отделом СУ СК России по Республике Саха (Якутия) завершено расследование уголовного дела по обвинению 28-летнего мужчины в совершении преступления,
    23.10.2018
     
    Профилактическая работа на особом контроле Главного управления МЧС России по Республике Саха (Якутия) - МЧС Республики Саха (Якутия) В целях предупреждения пожаров в осеннее - зимний период силами Главного управлением МЧС России по Республике Саха (Якутия) и ГБУ РС(Я) «Государственной противопожарной службой Республики Саха (Якутия)» осуществляются пр
    23.10.2018 МЧС Республики Саха (Якутия)
    Специалистами Управления молодежи и семейной политики и активистами общественного объединения «Ус Тумсуу» был организован рейд по магазинам города на выявление продажи алкогольной продукции детям несовершеннолетнего возраста.
    15.10.2018 Эхо столицы
    Заведено уголовное дело на женщину, которая летела в Якутск и сообщила о бомбе - ИА SakhaLife.Ru На женщину, которая сообщила о бомбе в самолете рейса Москва — Якутск, заведено уголовное дело, сообщили телеканалу «Якутия 24» в пресс-службе управления на транспорте МВД России по Уральскому федеральному округу.
    23.10.2018 ИА SakhaLife.Ru
    DSCN6959 - Якутская ГСХА 19 октября 2018 г. в стенах Якутской ГСХА проведена научно-практическая конференция «Региональные вопросы развития сельского хозяйства Якутии» с участием преподавателей, молодых ученых, магистров и аспирантов.
    23.10.2018 Якутская ГСХА
    Подробности трагедии на реке в Томпонском районе - ИА SakhaLife.Ru В Республике Саха (Якутия) продолжается расследование уголовного дела по факту оказания услуг по перевозке пассажиров водным транспортом, не отвечающих требованиям безопасности их жизни и здоровья, повлекшем гибель трех человек.
    23.10.2018 ИА SakhaLife.Ru
    В Якутске состоялись ежегодные соревнования по фигурному вождению среди водителей автобусов - Администрация г.Якутск В преддверии Дня работников автомобильного транспорта в Якутске по традиции прошли соревнования по фигурному вождению среди водителей маршрутных автобусов, организованные НО «СоюзАвто».
    23.10.2018 Администрация г.Якутск
    Аэропорт "Якутск" начал принимать задержанные рейсы. Рейс АК «Аэрофлот» от 22 октября, направленный на запасной аэродром в Нерюнгри, прибыл сегодня в 6:43.
    23.10.2018 Аэропорт Якутск