Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр

Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Өрөспүүбүлүкэ депутаттара Ил Түмэн сис кэмитиэттэрин бэрэссэдээтэллэрин, Бырабыыталыстыба чилиэннэрин кытары көрүстүлэр
Фото: iltumen.ru
Кулун тутар 1 күнүгэр Ил Түмэҥҥэ ыытыллыбыт Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын депутаттарын киэҥ ыҥырыылаах мунньаҕын кыттыылаахтара 28 улуустан 70 киһи эбиэт кэннэ сис кэмитиэттэр бэрэссэдээтэллэрин, Бырабыыталыстыба чилиэннэрин кытары көрүстүлэр. Мунньаҕы Ил Түмэн олохтоох салайыныы боппуруостарыгар сис кэмитиэтин бэрэссэдээтэлэ Василий Местников салайан ыытта. Депутаттар салайааччыларга ыйытыы биэрэн тута хоруйу ыллылар.                                                                         Тутуу   Кэнники сылларга үгүс киһини долгутар 2018 сылга хаарбах туруктаах дьиэттэн көһөрүү туһунан хас да депутат ыйытта. Онуоха Саха Өрөспүүбүлүкэтин архитектураҕа уонна тутууга миниистирэ Вера Кузакова толору эппиэти биэрдэ. Кини ирдэниллэр нуорма уонна быраап актата оҥоһуллан бигэргэнээри сылдьарын иһитиннэрдэ. Пилотнай бырайыакка муниципальнай тэриллиилэр кыттар куонкурустарын быраабылатын сырдатта. Министр эппитинэн, бастакынан, 2012-2018 сс. көһөрүү программатыгар үлэлэһэр улуустар, салгыы өрөспүүбүлүкэ бюджетыгар иэһэ суох муниципальнай тэриллиилэр, градостроительнай докумуоннарын толору оҥорбут, олорор дьиэ иккис ырыынага баар эбэтэр тутааччыларга атыыга барбакка турар квартиралардаах улуустар кытталлар. Хаарбах дьиэттэн көһөрүүгэ өрөспүүбүлүкэ 500 мөлүйүөнү көрбүтэ, федеральнай бюджеттан үп суох диэн быһаарда.   Салгыы Вера Кузаковаттан "Сахам сирэ XXI үйэҕэ" өрөспүүбүлүкэтээҕи үтүө дьыала хамсааһын үбүлэниитин туһунан ыйыттылар. 2018 сылга өрөспүүбүлүкэ бюджетыгар 350 мөлүйүөн ууруллубутун, 2017 сылы 98 мөлүйүөн иэстээх саппыттарын иһитиннэрдэ. Ахсынньы 31 күнүгэр диэри иэстэргитин төлүүр буолуҥ диэтэ. 2017 сыллаах иэһи сабарга 2018 сыл лимиититтэн 101 мөлүйүөн көрүллүбүтүн, нуорма уонна быраап актатын докумуона сөбүлэһиигэ киирбитин, сотору кэминэн бэлэм буолуоҕун эттэ.    Томпо улууһун депутаттара Хаандыгаҕа тутуллуохтаах 250 мөлүйүөн сууммалаах 220 миэстэлээх гимназия тутуута хаһан хамсыырын ыйыттылар. Вера Алексеевна тутуу саҕаланарыгар быйылгы сылга федеральнай бюджеттан 65 мөлүйүөн субсидия көрүллэрэ былааннарын иһитиннэрдэ.    Хаҥалас улууһун мунньаҕын бэрэссэдээтэлэ Борис Протодьяконов Өктөм оскуолата аварийнай туруктаах буолан сабыллыбытын, хаһан саҥа оскуола тутулларын ыйытта. Министр бастакытынан, оҕолор ханна үөрэнэр сирдэрин быһаара сылдьалларын, оскуола тутуутугар Минвостокразвитияны кытта кэпсэтии бара турар диэтэ.        Кэбээйи улууһун депутата Василий Петров Кальвица бөһүөлэгин көһөрүүнү, саҥа оскуола тутуутун сураста. Саҥа бөһүөлэк тутулунна, ол эрээри оскуола суох буолан нэһилиэнньэ көһөргө ыксаабат диэтэ. Министр смета бырайыагын докумуона экспертизаҕа киирбитин, сыаната билиннэҕинэ тутууга куонкурус ыытыллыаҕын эттэ.                                                                                                  Тыа хаһаайыстыбата   Тыа хаһаайыстыбатын боппуруостарыгар СахаӨрөспүүбүлүкэтин тыа хаһаайыстыбатын уонна аска-үөлгэ бэлиитикэтин миниистирин бастакы солбуйааччы Татьяна Осипова хоруйдаата.   Ньурбаттан сылдьар депутат үүтү туттарыыга субсидияттан нолуогу тутуу туһунан ыйытыы биэрдэ. Министр солбуйааччыта өрөспүүбүлүкэбит тыатын хаһаайыстыбатын туһунан сокуон баарын эттэ. "Күн бүгүн соҕотуопка систиэмэтэ сайдарын туһунан ити сокуоҥҥа туспа пуун быһыытынан бигэргэммитэ. Онон бюджеттан үбү-харчыны көрөрбүтүгэр олук буолар. Соҕотуопкаҕа улуустар бэйэлэрэ боломуочуйа ылан тураллар. Улуус бэйэтин таһымыгар бэрээдэк быһыытынан ханнык тэрилтэ соҕотуопкалыыр быраабы ыларын быһаарар. Ньурба улууһугар итиннэ кэккэ боппуруостар бааллар. Ити тэрилтэлэр өрөспүүбүлүкэ бюджетыттан субвенция быһыытынан тиийбит үбү-харчыны ылаллар. Онтон соҕотуопка тэрилтэтэ биһиги биэрбит көмө харчыбытын уонна бэйэтэ эргитэр харчытын туһанан үүт туттарааччыга атыылаһар сыана быһыытынан аахсар, субсидия быһыытынан биэрбэт. Тыа хаһаайыстыбатын тэрилтэтэ уонна чааһынай дьон үүттэрин туттардахтарына дохуот быһыытынан 45 солкуобайы аахсаллар", - диэн эппиэттээтэ.   Мэҥэ Хаҥаластан сылдьар бааһынай хаһаайыстыба салайааччыта  Сергей Романов: "Дьону буккуйумаҥ, 45 солкуобайы үүт тутар собуоттарбыт биэрэллэр уонна нолуогун кинилэр төлүүллэр, чааһынай киһи нолуок төлөөбөт", - диэтэ.   Депутат Николай Попов тыа хаһаайыстыбата сайдыытыгар концепция оҥоһуллуон наада диэн этии киллэрдэ. Миниистир солбуйааччыта Татьяна Матвеевна сокуоҥҥа олоҕуран туспа аакталар тахсалларын, өрөспүүбүлүкэбитигэр судаарыстыбаннай программа үлэлиирин, 2020 сылга диэри ылыллыбытын, быйыл ити программаны саҥардан 2022 сылга диэри саҥаттаан оҥоһуллуохтааҕын, концепция олох суох диэҥҥэ сөбүлэммэппит диэн эппиэттээтэ.                                                             Айылҕа харыстабыла   Эдьигээн национальнай оройуонуттан Лидия Атласова кэнники сылларга балык аҕыйаабытын, бу төрүөтэ туохтан буоларын учуонайдар үөрэтэ сылдьаллар, түмүгэ хайдах буолла диэн Саха Өрөспүүбүлүкэтин айылҕа харыстабылын миниистирэ Сахамин Афанасьевтан ыйытта. Миниистир түмүк тахса илик, учуонайдартан эппиэт кэллэҕинэ иһитиннэриэхпит диэтэ.        Өлүөхүмэ улууһун мунньаҕын бэрэссэдээтэлэ Алексей Габышев кэнники улахан тутуулар ыытылланнар айылҕа айгыраабытын, кыыл-сүөл аҕыйаабытын бэлиэтээтэ. Экспертиза ыытан, нефть уонна гаас ситимин тардар тэрилтэлэр ыстараап төлүүллэрин туруорсуоҕуҥ диэтэ. Министр Сахамин Афанасьев: "Саамай сөптөөх боппуруоһу туруораҕыт. 229 №-дээх федеральнай сокуон этэринэн айылҕаны туһанааччы кэхтиини оҥорбут буоллаҕына төлүөхтээх. Ити үлэни ыыта сылдьабыт. Сир баайын хостооччулар, ситими тардааччылар тулалыыр эйгэҕэ буортуну оҥороннор олохтоох салайыныы бюджетыгар кыбаартал аайы төлүөхтээхтэр", - диэн эппиэттээтэ.   Бүлүү улууһун мунньаҕын бэрэссэдээтэлэ Алексей Степанов 2017-2018 сс ракета тулалыыр эйгэҕэ дьайыытын туһунан түмүгэ таҕыста дуо диэн ыйытта. Министр 2016-2017 сс ыытыллыбыт «Союз-2-1» экология уонна медицина эйгэлэригэр түмүктэрин улуус баһылыгар ыыппыттарын, металлоломунан киртийии барарын, химия уонна радиация өттүгэр дьайыы суоҕун иһитиннэрдэ.                                           Олох-дьаһах коммунальнай хаһаайыстыбата           Ньурба улууһун депутата Валентина Андреева улуустарыгар саҥа тутуллан киирбит икки хочуолунайдар фильтрдара үлэлээбэккэ хара буруону таһаарарын иһитиннэрдэ. Олох-дьаһах коммунальнай хаһаайыстыбатын уонна энергетика миниистирин солбуйааччы Виталий Руфов Ньурбаҕа эрэ буолбакка итинник кыһалҕа хас да улууска баарын эттэ. "Миэстэтигэр хамыыһыйата тэрийиҥ, аакта оҥоһуллан бэрэбиэркэ ыытыллыахтаах. Өрөмүөн үлэтин ыытарга анаан үп көрөн атын оборудованиены туруоруохпутун сөп. Эһиэхэ суругунан эппиэт биэриэхпит", - диэтэ.                                                                        Үөрэхтээһин   Саха Өрөспүүбүлүкэтин үөрэҕин уонна наукатын миниистирэ Владимир Егоровтан муниципальнай үөрэхтээһин боломуочуйатын региональнай таһымҥа биэрии боппуруоһа хайдах быһаарыллан эрэрин Уус Алдан улууһун мунньаҕын бэрэссэдээтэлэ Иван Колодезников ыйытта. "Ити боппуруос үөрэтиллэ сылдьар, боломуочуйатын биэрии эрэ туһунан буолбакка, инникитин региоҥҥа үөрэх систиэмэтэ сайдыытын ырытыһыы буола турар. Саха сирэ пилотнай бырайыакка кыттыыны ылбыта. Биһиги нуорма уонна быраап базатын оҥоруохтаахпыт, экономическай хайысхатын ситэриэхтээхпит, оччоҕуна 2019 сылга хамсааһын тахсыаҕа", - диэн министр хоруйдаата.                                                                     Үп-харчы   Нерюнгри мунньаҕын бэрэссэдээтэлэ Валерий Селин Саха Өрөспүүбүлүкэтин үпкэ миниистирин бастакы солбуйааччы Павел Багынановтан эмтэниигэ Нерюнгриттан Дьокуускайга диэри айан харчыта төлөммөккө турарын, киин балыыһа ыарыһахтарга биэс мөлүйүөн иэстээҕин, ааспыт сылга түөрт мөлүйүөн төлөммүтүн, бу кыһалҕа хаһан быһаарылларын ыйытта. Миниистир солбуйааччыта бу кыһалҕаны билэбин, бу ыйга хамсааһын барыа, харчы төлөнүө диэтэ.                                                               Социальнай эйгэ   Таатта улууһун депутата инбэлииттэр комиссияны сылга түөртэ бараллар. Сорох дьон доруобуйалара тупсан кэлбэт, аны социальнай профилакторийдарбытын реабилитационнай киин оҥортоотулар, онно инбэлиит киирэрэ уустуктардаах диэтэ. Саха Өрөспүүбүлүкэтин үлэҕэ уонна социальнай сайдыыга миниистирэ Александр Михеев федеральнай сокуон ирдэбилинэн инбэлиит дьон сылга түөртэ хамыыһыйа ааһыахтаахтарын, итини ыытар хамыыһыйа федеральнай таһымнааҕын, реабилитациялыыр кииннэр өрөспүүбүлүкэҕэ баалларын сайаапка суруйбут инбэлииттэр киирэн эмтэнэллэрин эттэ. Бу боппуруоска сиһилии эппиэти эһиэхэ ыытыахпыт диэтэ.        Көрсүһүү түмүгэр Ил Түмэн Бэрэссэдээтэлин солбуйааччы Виктор Губарев сорох ыйытыыларга толору, олохтоохтук эппиэттиир тоҕоостооҕун ыйда. Парламент тутууга уонна олох-дьаһах коммунальнай хаһаайыстыбатын сүрүннүүр сис кэмитиэттэригэр коммунальнай өҥөҕө субсидияны чуолкайдыырга, Дьабарыкы Хайа боппуруоһун өссө көрөргө сорудахтаата.             Ил Түмэн олохтоох салайыныы боппуруостарыгар сис кэмитиэтин бэрэссэдээтэлэ Василий Местников туһалаах кэпсэтии тахсыбытын бэлиэтээтэ. Кыттыыны ылбыт салайааччыларга, улуустартан кэлбит депутаттарга махталын тириэртэ.   Ил Түмэн пресс-сулууспата
 
По теме
Для владельцев автомобилей на газовом топливе  предусмотрена налоговая льгота - Мирнинский район Управление ФНС России по Республике Саха (Якутия) напоминает, что для физических лиц и организаций, которые в качестве топлива для своих автомобилей используют метан (КПГ), сжиженный природный газ (СПГ) и пропан – бутан (СУГ),
Мирнинский район
Прокуратура республики направила в суд уголовное дело в отношении бывшего первого заместителя министра здравоохранения республики   Прокуратура республики утвердила обвинительное заключение по уголовному делу в отношен
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)