“Уһун Дьурантаайы — 2019”: кыайыылаахтар ааттаннылар

“Уһун Дьурантаайы — 2019”: кыайыылаахтар ааттаннылар
Фото: sakhalife.ru

1907 с. от ыйын 1 күнүгэр (саҥа ааҕыынан от ыйын 14 күнүгэр) саха тыллаах бастакы “Саха дойдута” хаһыат аан бастаан күн сирин көрбүтэ.

 

2017 сыл балаҕан ыйын 21 күнүгэр ыытыллыбыт үөрүүлээх мунньахха бу күнү Саха бэчээтин күнүнэн бэ­лиэ­тиир буолуохха диэн санаа этиллибитэ.

Быйыл эмиэ ити тосхолунан от ыйын 12 күнүгэр Дьокуускайга Бэчээт дьиэтигэр баар “Сахамедиа” АУо медиа киинигэр сонуну киэҥник тарҕатар саха тыллаах тэримтэлэр үлэлэрин-хамнастарын, саха бэчээтин инникитин сүбэлэһэр, ырытыһар “төгүрүк остуол” ыытылынна.

Ол чэрчитинэн, саха тылынан суруйар суруналыыстар ортолоругар диэн, бу быйыл эрэ аан бастаан тэриллибит “Уһун Дьурантаайы-2019” аһаҕас күрэх түмүгэ үөрүүлээхтик биллэрилиннэ. Күрэҕи СӨ Суруналыыстарын со­йууһа (сал. Г.А. Бочкарёва), Арассыыйа Национальнай СМИлэрин ассоциацията (сал. М.Н. Христофорова) уонна Арассыыйатааҕы Култуура үлэһиттэрин идэлээх сойуустарын Саха сиринээҕи кэмитиэтэ (сал. А.И. Самсонова) биир сүбэнэн тэрийдилэр. Күрэх аҕыс хайысхатынан барыта 101 сайаапканан өрөспүүбүлүкэ уонна улуус таһаарыыларыгар бэчээттэммит 300-тэн тахса суруйуу киирэн дьүүллүүр сүбэҕэ тургутулунна. Дьүүл түсчүтэ: Г.А. Бочкарёва ‒ СӨ СС салайааччыта; тургутааччылар: Е.В. Андреева ‒ “Голос профсоюза” хаһыат эрэдээктэрэ, А.Г. Гуринов ‒ “Күрүлгэн” уус-уран сурунаал дьаһабыла, И.И. Ксенофонтов ‒ бэтэрээн суруналыыс, Д.Н. Макеев ‒ “Чолбон” уус-уран сурунаал сүрүн эрэдээктэрэ.

Күрэх түмүгэ:

“Бастыҥ кэпсээччи” хайысхаҕа кылаан биһирэбил – Василий Павлович Прокопьев (“Ил Түмэн” хаһыат);

“Бастыҥ кэпсээччи” хайысхаҕа биһирэбил – Михаил Семёнович Санников (тастан корреспондент, “Күрүлгэн” сурунаал);

“Бастыҥ кэпсээччи” хайысхаҕа биһирэбил – Елена Кимовна Винокурова-Слепцова (тастан корреспондент ,“Томпо илдьитэ” хаһыат);

“Бастыҥ кэпсэтээччи” хайысхаҕа кылаан биһирэбил – Туйаара Николаевна Сергеева — Сиккиэр (“Кыым” хаһыат);

“Бастыҥ кэпсэтээччи” хайысхаҕа биһирэбил – Татьяна Афанасьевна Маркова (“Саха сирэ” хаһыат);

“Бастыҥ кэпсэтээччи” хайысхаҕа биһирэбил – Екатерина Сергеевна Бястинова (“Забота-Арчы” хаһыат);

“Бастыҥ ирдьит” хайысхаҕа кылаан биһирэбил – Галина Васильевна Семёнова (“Үөһээ Бүлүү” хаһыат);

“Бастыҥ ирдьит” хайысхаҕа биһирэбил – Ермолай Еремеевич Скрябин (тастан корреспондент, “Чолбон” сурунаал);

“Бастыҥ ирдьит” хайысхаҕа биһирэбил – Татьяна Ильинична Захарова — Лоһуура (“Кыым” хаһыат);

“Бастыҥ суоллааҕы бэлиэтээһин” хайысхаҕа кылаан биһирэбил – Людмила Дмитриевна Ноговицына (“Ил Түмэн” хаһыат);

“Бастыҥ суоллааҕы бэлиэтээһин” хайысхаҕа биһирэбил – Наталья Романовна Попова (“Ил Түмэн” хаһыат);

“Бастыҥ ырытааччы” хайысхаҕа кылаан биһирэбил – Григорий Михайлович Федотов (“Индигир уоттара” хаһыат, Муома);

“Бастыҥ ырытааччы” хайысхаҕа биһирэбил – Ангелина Николаевна Васильева (“Саха сирэ” хаһыат);

“Бастыҥ ырытааччы” хайысхаҕа биһирэбил – Владислав Гаврильевич Касьянов (“Эҥсиэли” хаһыат, Нам);

“Бастыҥ анаарааччы” хайысхаҕа кылаан биһирэбил – Владимир Николаевич Степанов (“Кыым” хаһыат);

“Бастыҥ анаарааччы” хайысхаҕа биһирэбил – Иннокентий Алексеевич Оконешников (“Халыма долгуннара” хаһыат, Орто Халыма).

“Бастыҥ эҕэһит” (фельетон, памфлет), “Бастыҥ дьүһүйээччи” (очерк, эссе) диэн хайысхаларга, сөптөөх суруйуу киирбэтэх буолан, дьүүллүүр сүбэ түмүгү таһаарбата, оттон “Бастыҥ анаарааччы” хайысхаҕа, эмиэ ити төрүөтүнэн, үһүс биһирэнээччи быһаарыллыбата. Онон, кэлэр өттүгэр итинник көстүүнү туоратар сорук турар.

“Төгүрүк остуол” кэмигэр киирбит этиилэр СӨ Ил Дархана Айсен Николаевка уонна Саха сирин идэлээх сойуустарын федерациятын салайааччытыгар Николай Дегтярёвка тиийиэхтэрэ. Суруналыыстар ордук хамнас кыратын, төрөөбүт тыл-сурук туругун, тыа сиригэр суруналыыс идэлээх үлэһит тиийбэтин, тахсар матырыйааллар хаачыстыбалара мөлтөөн иһэрин, ырытар-анаарар суруналыыс аҕыйаҕын уо.д.а. кыһалҕаны таарыйдылар.

СӨ бар дьонун депутата Мария Христофорова “Пять лучших этнических изданий России” диэн Бүтүн Арассыыйатааҕы II күрэх туһунан кэпсээтэ, хаһыат-сурунаал эрэдээксийэлэрин көхтөөхтүк кыттарга ыҥырда уонна: “Саха бэчээтин суруналыыстара уонна өрөспүүбүлүкэ социальнай эйгэтин үлэһиттэрэ, сомоҕолоһор кэммит кэллэ. Сылбыт даҕаны Сомоҕолоһуу сыла. Билигин сонуну киэҥник тарҕатыыга үлэлиир, судаарыстыбаннай да, чааһынай да тутуллаах тэрилтэлэр үп-харчы өттүнэн туруктара уустук. Ол да буоллар, тустаах үлэ барар. Сочига саха бэчээтин улахан хамаанданан тиийэн билиһиннэриэҕиҥ. Суруналыыстыка бүгүн этиллибит кыһалҕалара Татарстаҥҥа, Чувашияҕа уо.д.а. өрөспүүбүлүкэлэргэ сытыытык турар”, – диэн бэлиэтээтэ.

Ити этиллэр күрэҕи быйыл Башкортостан сүрүннүүр. Түмүгэ күһүн Сочига Арассыыйа суруналыыстарын форумугар биллэр.

 

БЫҺААРЫЫ: Уһун Дьу­рантаайы ‒ олоҥхоҕо кэпсэнэр Айыы халлааныгар олорор суруксут. Аҕыс кырыылаах аалыы дьэҥкир таас баҕанатыгар Үрдүк Айыылар ыйаахтарынан аан дойду олоҕун тутулун уонна Орто дойду дьонун дьылҕаларын суруйар.

 

Источник: Афанасий ГУРИНОВ - АРЧЫЛАН.
 
По теме
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)