«Саха сирэ – дьоруойдар сирдэрэ» бырагыраама курсааннара дьон иннигэр тыл этэр үөрүйэхтэрин чочуйдулар

«Саха сирэ – дьоруойдар сирдэрэ» бырагыраама курсааннара дьон иннигэр тыл этэр үөрүйэхтэрин чочуйдулар
Фото: prav.sakha.gov.ru
Үөрэх   чэрчитинэн, салайар каадырдары бэлэмниир бырагырааманан үөрэнэр байыаннай дьайыы бэтэрээннэрэ уһуйааччылар сорудахтарын толордулар: курсааннар хас биирдиилэрэ бэйэни билиһиннэриини оҥордулар, олохторун уонна бойобуой суолларын туһунан кэпсээтилэр. Дьарык өрөспүүбүлүкэ биир сүрүн култуурунай былаһааккатыгар — Д.К. Сивцев-Суорун Омоллоон аатынан Саха сиринээҕи Судаарыстыбаннай опера уонна балет тыйаатырын сыанатыгар буолан ааста. Тыл этиилэрин истибит тыйаатыр дириэктэрэ Владислав Левочкин кыттааччылар бэлэмнэрин таһымын уонна тус хаачыстыбаларын үрдүктүк сыаналаата.

«Бэйэлэрин билиһиннэриилэригэр бойобуой дьайыылар бэтэрээннэрэ олохторун уонна байыаннай уопуттарын туһунан кэпсээтилэр. Биһиги өрөспүүбүлүкэбитигэр маннык патриоттар баалларыттан киэн туттабыт. Бырагыраама кыттааччылара эппиэтинэстээх салайар дуоһунастарга бэйэлэрин кыахтарын толору көрдөрүөхтэрэ диэн эрэнэбин», — диэн Владислав Левочкин санаатын үллэһиннэ.

Тыл этиилэр түмүктэммиттэрин уонна эспиэрдэр сыана быспыттарын кэннэ, курсааннарга анаан тематическай хаартыскаҕа түһүү тэрилиннэ. Бырагыраама дьоруойдара номох буолбут «Ньургун Боотур» операттан боотурдар көстүүмнэрин кэттилэр уонна тыйаатыр фойетын киэргэтэр ССРС норуодунай худуоһунньуга Афанасий Осипов биллиилээх монументальнай паннотун фонугар хаартыскаҕа түстүлэр.

Санаттахха, СӨ Ил Дархана Айсен Николаев көҕүлээһининэн олоххо киирэр «Саха сирэ – дьоруойдар сирдэрэ» каадырдары бэлэмниир бырагыраама, РФ бэрэсидьиэнэ Владимир Путин саҕалаабыт «Дьоруойдар кэмнэрэ» федеральнай бырайыак чэрчитинэн ыытыллар. Сүрүн сыала — байыаннай дьайыы кыттааччыларыттан уонна бэтэрээннэриттэн эрэгийиэҥҥэ кэскиллээх салайар каадырдары бэлэмнээһин.

Хаартыска: ВШИМ
Источник:
20.04.2026 14:50
 
По теме
Согласно материалам уголовного дела, житель г. Благовещенска, обещав потерпевшей поступить в высшее образовательное учреждение без сдачи вступительных экзаменов, получил у нее путем обмана 80 тыс.
Прокуратура г. Нерюнгри провела проверку по поступившему обращению, в ходе которой установлено, что в апреле 2026 года в коммерческую организацию поступил адвокатский запрос о предоставлении информации.
Отдел обеспечения судопроизводства по гражданским,  административным делам и делам об административных правонарушениях совместно с отделом организационно-правового отдела на этой неделе проводит семинары в виде индивидуа