Кэрэ кэм кэрэһитэ — Болугур

Маннык ааттаах кэрэхсэбиллээх быыстапка олунньу 22 күнүгэр Дьоккуускай куоракка «Үргэл» арт-галереяҕа аһылынна.

Быыстапкаҕа Амма улууһун Болугур нэһилиэгин уран тарбахтаахтарын туостан, мастан, туойтан, кылтан, быысапкаттан, сахалыы кыбытыылаах тигииттэн хараҕы сымнатар бииртэн биир кэрэ айымньылара көрдөрүүгэ турбуттар. Болугур нэһилиэгэ кулун-атах культурата төрүт биһигэ.

Бу нэһилиэккэ үс Саха Өрөспүүбүлүкэтин норуотун маастардара «Дьулуруйар Ньургун Боотур» олоҥхону быысапканан дьүһүйэн көрдөрбүт  Валентина Стручкова – Сарыада Уус, саха туойун аар-саарга атырдыбыт киэҥник тарҕаппыт Степан Устинов, ыһыах маанылаах иһитин-хомуоһун оҥорор дэгиттэр уус  Егор Федотов  өбүгэ үтүө үгэстэрин үйэтитэллэр, айаллар-туталлар.

Саха Өрөспүүбүлүкэтин уус-уран оҥоһуктарга норуотун маастардара  Ульяна Михайлова,  Клавдия Новикова  саха норуотун төрүт иис дьарыгын тарҕатарга үлэлииллэр. Олохтоох кулууп иһинэн туоска, кылга, сахалыы кыбытыылаах тигиигэ уо.д.а.түмсүүлэр тэриллэн үлэлииллэр.

Быыстапка аһыллыытыгар Саха Өрөспүүбүлүкэтин култуураҕа уонна духуобунай сайдыыга министрэ  Ноев А.И., «Симэх» норуот искусствотын уонна уус-уран оҥоһуктарын Национальнай Киин директора  Я.В. Игнатьева, Норуот айымньытын дьиэтин директора  С.С. Семенов, Амма улууһун баһылыгын солбуйааччыта  Илларионова Н.И., Амма улууһун культураҕа Управлениетын начальнига  И.Ф. Иванов. Болугур нэһилиэгин баһылыга  Петров А.Н.  уо.да. эҕэрдэ тыл эгэлгэтин эттилэр, бэлэхтэрин туттардылар.

Быыстапка чэрчитинэн Өрөспүүбүлүкэтээҕи норуот айымньытын дьиэтэ тэрийбит төгүрүк остуолугар  М.А. Ноговицын  аатынан культура дьиэтин директора  Кузьмина У.Д.  нэһилиэккэ ыытыллар норуот төрүт үгэстэрин сөргүтүүгэ ыытыллар үлэлэр тустарынан сиһилии кэпсээтэ.

«Симэх» Национальнай Киин уус-уран оҥоһуктары сайыннарар салаа салайааччыта  Дмитрий Осипов  саха уһанар-иистэнэр дьоҕурун сайыннарар маастардарга уонна төгүрүк остуол кыттыылаахтарыгар “Симэх” Национальнай Киин ыытар үлэтин-хамнаһын туһунан сырдатта. Буолаары турар Саха Өрөспүүбүлүкэтин норуотун маастарын күнүгэр аналлаах тэрээһиннэри кэпсээтэ.

Болугур нэһилиэгин баһылыга  Андрей Петровтуун  маастардар үлэлэрин өйүүр сыалтан нэһилиэк таһымыгар «Уустар дьиэлэрин» аһан үлэлтэргэ кэпсэтиини ыытта.

Источник: Симэх

Сотрудниками Управления уголовного розыска МВД по Республике Саха (Якутия) совместно с коллегами из отдела МВД России по Вилюйскому району в Новосибирске задержаны двое посредников дистанционных аферистов,
ИА SakhaTime
В преддверии Национального дня донора - Единая Россия Ежегодно 20 апреля россияне благодарят доноров крови - людей, которые делают бескорыстные шаги для помощи больным пациентам и зачастую спасают жизни.
Единая Россия