“Лоокуут уонна Ньургуһун» киинэни көрөн кэллибит, Любовь Готовцеваҕа барҕа махтал. Олус үчүгэй киинэ, Константин Тимофеев бэртээхэй туруоруута, сүрүн оператор Тим Третьяков, оруолларга театр уонна киинэ биллэр артыыстарын тэҥэ эдэр талааннар. Урут театрдарга үгүстүк туруоруллубут Дьүөгэ Ааныстыырап сэһэнигэр уонна фронтовик суруйааччы Тимофей Сметанин пьесатыгар үйэлэргэ хаалбыт икки эдэр сүрэх тапталлара аны улахан экраҥҥа таҕыста.
Саха сирин кэрэ айылҕата олус бэркэ уһуллубут – Томпо хайалара, Амма өрүс, Хаҥалас Туруук хайатын уонна Өлүөнэ очуостарын сүдү көстүүлэрэ. Режиссер К.Тимофеев Сметанин драматыттан биир да тылы уларыппакка, хайдах суруллубутунан туруорбут соруга — саха тылын баайын, кэрэтин уонна саха дьонун кэрэ дьүһүнүн эдэр ыччаккка көрдөрөөрү, тиэрдээри.
Кини санаатыгар, аны -20-30 сылынан баҕар бу таптал устуоруйатын атыннык көрдөрүөхтэрэ, онтон бу киинэ ол кэмнээҕини туох да уларытыыта, киэргэтиитэ суох, хайдах баарынан туоһулуу сылдьыаҕа.
Бу сеанска Тимофей Егорович Сметанин төрөппүт кыыһа Татьяна Тимофеевна Намтан киирэн көрдө, киинэ автордарыгар, онньообут артыыстарга улахан махталын тиэртэ.
