Фото: prav.sakha.gov.ru
«Үлэлиир Саха сирэ. Каадырдар» бырайыак каадырынан хааччыллыыга уонна үлэ ресурсатын тардыыга, дойду атын субъектарыттан наадалаах идэлэргэ үлэһиттэри ылыыга сыалланар.
«Билигин бырайыак хамаандата бырайыакка үлэни биэрээччилэри тардар соругу олоххо киллэрэр. Бырайыак быһыытынан, 200-тэн итэҕэһэ суох бииргэ үлэлэһээччилэри -– өрөспүүбүлүкэ экэниэмикэтин 13 салаатыттан үлэни биэрээччилэри кытары сөбүлэһии түһэрсиллиэхтээх. Бу «Бырамыысыланнаска олохтоох каадырдары» бырайыактан 4 төгүл элбэх», -– диэтэ Ольга Балабкина.
«Төгүрүк остуолга» ону сэргэ хотугу сиргэ таһаҕаһы таһыы, каадырдары бэлэмнээһин, Арктика мэдиссиинэтин сайыннарыы, аҕыйах ахсааннаах төрүт норуоттары өйөөһүн боппуруостарын көрдүлэр.
Владивостокка «Түмүк баар!» уокуруктааҕы отчуоттуур-бырагыраама пуорумугар Саха сирин дэлэгээссийэтин өрөспүүбүлүкэ баһылыга, «Биир ньыгын Арассыыйа» баартыйа эрэгийиэннээҕи отделениетын сэкирэтээрэ Айсен Николаев салайда.
Пуорумҥа баартыйа генеральнай сэбиэтин сэкирэтээрэ, РФ Федеральнай мунньаҕын Федерациятын сэбиэтин бэрэссэдээтэлин солбуйааччы Владимир Якушев, Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев, Уһук Илин эрэгийиэннэрин бэрэстэбиитэллэрэ, баартыйалаахтар, уопсастыбаннай тэрилтэлэр уонна ыччаттар кытыннылар.
Источник: Правительство Республики Саха (Якутия)
27.05.2026 14:28
